खोज

बुटवल, १३ मंसिर । पाल्पाको रैनादेबिको एक विद्यालयमा रोटरी क्लब अफ बुटवल डाउनटाउनले छात्रा शौचालय परियोजना शुभारम्भ गरेको छ । रोटरी ईन्टरनेश्नल डिष्ट्रिक ३२९२ नेपाल—भुटानको सहयोगमा पाल्पाको रैनादेबिस्थित कुवारी आधारभुत विद्यालयमा छात्रा शौचालय बनाउने भएको हो ।

एक समारोहका बिच विहिबार क्लबका अध्यक्ष शिव ज्ञवाली, जनप्रतिनिधि हुम बहादुर कुवर, विद्यालयका प्रधानाध्यापक लाल बहादुर बटाला, विद्यालय ब्यवस्थापन समितिका अध्यक्ष तिल बहादुर बुढाथोकी, क्लबका सचिव कमल नेपाल, शंकर ज्ञवालीले भवनको शिलन्यास गरेका छन ।

कार्यक्रममा क्लबका अध्यक्ष शिव ज्ञवालीले विगतबाट नै समुदायको आवश्यकता र मागलाई सम्बोधन हुने गरि परियोजनाहरु चलाउदै आएको बताए । पाल्पाकै विकट छहरामा क्लबबाट शिक्षा र छात्रामैत्री परियोजनाहरु गर्दा धेरै प्रभावकारी देखिएको उनले बताए । क्लबलाई माग भए अनुसार डिष्ट्रिकमा जानकारी गराउदा यो परियोजना उपयुक्त देखिएको उनले बताए । डिष्ट्रिकबाट २ लाख र क्लबबाट १ लाख गरि ३ लाख रोटरी तथा विद्यालयबाट १ लाख बराबर लगानी हुने गरि छात्रा शौचालय शुभारम्भ गरिएको उनले बताए । ३ कोठे शौचालय चार महिना अवधिमा निमार्ण पुरा हुने गरि काम अघि बढेको उनले बताए ।

कार्यक्रममा विद्यालय ब्यवस्थापन समितिका अध्यक्ष तिल बहादुर बुढाथोकीले आर्थिक रुपमा विपन्न धेरै विद्यार्थीहरुलाई शिक्षाको ज्योती दिने काम गर्दै आएको बताए । विद्यालयमा गुणस्तरीय शिक्षा दिने आफुहरुले पहल गरेको उनले बताए । शिक्षक दरबन्दी र पूर्वाधारको समस्या विद्यालयमा रहेको उनले बताए । विद्यालय एक सय विद्यार्थीहरु अध्ययरत रहेका छन ।