© २०२३
२९ कार्तिक २०८१, बिहीबार
२९ कार्तिक २०८१, बिहीबार
चारनम्बर, २९ कार्तिक ।
कपिलवस्तुको बाणगंगा नगरपालिकाले अनुदानमा उन्नत जातको गहुँको बिउ वितरण गर्न सुरु गरेको छ । नगरपालिकाको कृषि विकास शाखाबाट सोमबारदेखि उन्नत जातको गहुँको बिउ वितरण गर्न सुरु भएको शाखा प्रमुख लेस बहादुर केसीले बताए । कृषकहरूलाई आवश्यकताका आधारमा बाणगंगा, गौतम, विजय, भृकुटी र एनएल ९७१ गरि पाँच जातका गहुँको बिउ वितरण गरिएको उनले बताए । शाखा प्रमुख केसीले कृषक, समूह तथा सहकारी गरि जम्मा १ हजार २५६ जनालाई गहुँको बिउ वितरण गरिने बताए ।
कृषकहरूको मागका आधारमा नगरको ५० प्रतिशत अनुदान र कृषकको ५० प्रतिशत लागतमा गहुँको बिउ खरिद गरि वितरण गरिएको नगरप्रमुख चक्रपाणी अर्यालले बताए । उनका अनुसार वितरण गरिएको बिउँमा नगरपालिकाको ३८ लाख ५० हजार र कृषकको १९ लाख २५ हजार रूपैयाँ लागत छ । नगरप्रमुख अर्यालले कृषकहरूलाई मध्येनजर गर्दै कृषकमैत्री योजनाहरू ल्याएर कार्यान्वयन गरिरहेको दाबी गरे ।
बाणगंगा कृषिको उर्वर भूमि भएकाले कृषिबाटै बाणगंगालाई समृद्ध बनाउन सकिने बताए । प्रमुख प्रशासकिय अधिकृत भक्तिराम मरासिनीले कृषकहरूले झेल्दै आएका समस्याहरू समाधान गर्न नगरपालिका प्रतिबद्ध रहेको बताए ।
© २०२३
सर्वाधिकार सुरक्षित
Design & Developed By:
