© २०२३
६ मंसिर २०८१, बिहीबार
६ मंसिर २०८१, बिहीबार
बुटवल, २३ कात्तिक ।
छठ पर्व अन्तर्गत हिजो अस्ताउँदो सूर्यको पूजा आरधना गरी अर्घ्य दिएका बर्तालुहरुले अहिले उदाउँदो सूर्यलाई अर्घ्य दिएर व्रत समापन गर्दैछन् ।
हिजो अस्ताउँदो सूर्यको पूजा गरेका बर्तालुहरु नदी तथा तलाउ किनारमा बनाइएका छठस्थलमै नाचगानसहित जाग्राम बसेर केहीबेरमा उदाउँदो सूर्यलाई अर्घ्य दिन लागेका हुन् ।
व्रत नबसेकाहरुले पनि उदाउँदो सूर्यको पूजा गर्ने चलन छ । छठस्थलहरुमा रातिदेखि नै चहलपहल र रौनक छ । सूर्यको आरधना गरेर मनाइने यो पर्व लक्ष्मीपूजाको चार दिनपछि अर्थात् कात्तिक शुक्ल पक्षको चौथीदेखि विधिवत् रूपमा शुरू हुन्छ ।
छठ पारिवारीक कल्याण, सत्य र अहिंसाप्रति मानवको रुचि बढाउने र सबै जीवप्रति सहानुभूति राख्न अभिप्रेरित गर्ने पर्वका रुपमा मनाउने गरिन्छ ।
सूर्य र जलको शक्ति तथा महत्त्व झल्काउने यो पर्वमा सफा र चोखो हुनुपर्ने तथा शुद्ध खाने कुरा खानुपर्ने मान्यता छ ।
पहिला तराई/मधेसका क्षेत्रमा सीमित छठ पर्व अहिले काठमाण्डौसहित पहाडी क्षेत्रमा पनि मनाउने गरिएको छ ।
© २०२३
सर्वाधिकार सुरक्षित
Design & Developed By:
