खोज

बुटवल, १४ कार्तिक ।
यहिँ कार्तिक १५ देखि १७ गते सम्म बुटवल अमरपथमा दीपावली महोत्सव हुने भएको छ । कोभिडका कारण रोकिएको महोत्सव यो बर्ष देखि निरन्तरता दिईएको हो । अमरपथ व्यवसायी समितिका अध्यक्ष राम कुमार रणपालले नेपाली मौलिक सांस्कृतिक प्रस्तुति महोत्सवा रहने जानकारी दिए । ३ दिन दिन सम्म चल्ने मेलमा अमरपथमा विशेष छुटको समेत व्यवस्था गरिएको छ ।

अमरपथ व्यवसायी समितिका सल्लाहकार पुरन श्रेष्ठले यो बर्षको महोत्सवमा भैलो प्रतियोगिता गर्न लागिएको जानकारी दिए । गोकुल विश्वकर्माले महोत्सवलाई सफल बनाउनको लागि विशेष समिति निर्माण गरि काम गरिएको जानकारी दिए । पूर्व अध्यक्ष तथा सल्लाहकार दिपक विश्वकर्माका अनुसार मौलिक प्रदर्शनी आयोजनाबाट सबैमा राम्रो सन्देश जाने जानकारी दिए ।
१४ औ अमरपथ दिपावली महोत्सव– २०८१अमरपथको व्यापार, व्यवसाय प्रवद्र्धन र मौलिक सांस्कृतिक जर्गेनाको लागि अमरपथ टोल व्यवसायी समितिद्वारा आयोजित अमरपथ दीपावली महोत्सव–२०८१ यो वर्ष बुटवल उपमहानगरपालिका प्रमुख संरक्षक र बुटवल उद्योग वाणिज्य संघ संरक्षक रहने गरी सञ्चालन गरिएको छ । अमरपथ टोल व्यवसायी समितिको आयोजनामा १४ औ अमरपथ दिपावली महोत्सवको आयोजना गर्न लागिएको अध्यक्ष रामकुमार रणपालले जानकारी दिए । महोत्सव यही कार्तिक १५ गते बुटवल उपमहानगरपालिकाका नगरप्रमुख खेलराज पाण्डेको प्रमुख आतिथ्यतामा समुदघाटन गर्ने कार्यक्रम रहेको छ । समुदघाटन कार्यक्रममा नेपाली संस्कृति र मौलिकता झल्कने गरी नौमती बाजाको पनि प्रस्तुति रहने व्यवस्था छ । नेपाली कलासंस्कृति तथा परम्परालाई संरक्षण, सम्वद्र्धन, मनोरन्जन तथा विभिन्न किसिमका फुड फेस्टीभल समेत समेटीने प्रयास गरिने छ । कार्तिक १५ देखि १७ गते ३ दिनसम्म चल्ने यस महोत्सवमा राष्ट्रिय स्तरकादेखि स्थानीय कलाकारहरूको वेजोड प्रस्तुती रहने छ । महोत्सवमा करिब पाँच लाख लागत लाग्ने जानइएको छ । यसको लागि वडा कार्यालय, बुटवल उपमहानगरपालिका र पुराना व्यवसायीहरूले संकलन गरेको रकमबाट गर्न लागिएको हो ।