खोज

भैरहवा, १२ कात्तिक ।

नेकपा एमाले सिद्धार्थनगर नगर कमिटीको दोस्रो सम्मेलनको तयारी पूरा भएको छ ।

एमाले सिद्धार्थनगरको यही कात्तिक १२ गते सोमबार भैरहवामा दोस्रो नगर अधिबेशन हुन लागेको हो । नगर अधिवेशनमा एमालेका केन्द्रीय सचिब छबिलाल बिश्वकर्मा प्रमुख अतिथिको रुपमा आउने भएका छन् ।

नयाँ नेतृत्वका लागि हुन लागेको दोश्रो नगर अधिवेशनको सबै तयारी पूरा भएको नेकपा एमाले सिद्धार्थनगर नगर कमिटीका अध्यक्ष चक्र बहादुर थापाले जानकारी दिए ।

अध्यक्ष थापाका अनुसार अधिवेशन सफल पार्नका लागि ६ वटा समितिहरु गठन भएको छ । राजनीतिक सांगठनिक आर्थिक प्रतिबेदन लेखन कमिटीमा नगर अध्यक्ष चक्र बहादुर थापाको संयोजकत्वमा ५ सदस्यीय कमिटी गठन भएको छ ।

नगर उपाध्यक्ष अर्जुन गिरीको संयोजकत्वमा ७ सदस्यीय आर्थिक कमिटी, उप सचिव कुमार गुरुङको संयोजकत्वमा ६ सदस्यीय मञ्च ब्यवस्थापन समिति, प्रेस चौतारी नेपालका लुम्बिनी प्रदेश सदस्य शशि पन्थीको संयोजकत्वमा ५ सदस्यीय प्रचार प्रसार समिति, नगर उप सचिव माया कंडेलको संयोजकत्वमा ५ सदस्यीय प्रतिनिधि ब्यवस्थापन समिति, त्यसैगरी अर्जुन गुरुङको संयोजकत्वमा ५ सदस्यीय स्वयंसेवक ब्यबस्थापन समिति गठन भएको नगर अध्यक्ष चक्रबहादुर थापाले जानकारी दिए ।

प्रतिनिधि व्यवस्थापन समिति संयोजक माया कंडेलले नगर अधिवेशनमा १ सय ७० जना प्रतिनिधि चयन भएको बताइन ।
आयोजक नगर कमिटी ६५ जना र वडाबाट चुनिएका प्रतिनिधि १ सय ५ जना प्रतिनिधि गरी १ सय ७० जना प्रतिनिधि नगर अधिवेशनको दोस्रो सम्मेलनमा भाग लिने उनले बताइन् ।

अधिवेशनमा १० जना पार्टी सदस्य बराबर १ जना, ३ जना प्रतिनिधि बराबर १ जना महिला प्रतिनिधि अनिवार्यरुपमा चयन भएको नगर उपाध्यक्ष अर्जुन गिरीले जानकारी दिए ।

अधिवेशनका लागि वडा नं. १ मा ७ जना, वडा नं. २ मा २ जना, वडा नं. ३ मा ७ जना, वडा नं. ४ मा २ जना प्रतिनिधि, वडा नं. ५ मा १ जना प्रतिनिधि चयन भए । त्यसैगरी वडा नं. ६ मा ५ जना प्रतिनिधि चयन भएका छन् भने वडा नं. ७ मा ६ जना प्रतिनिधि चयन भए । वडा नं. ८ मा १२ जना प्रतिनिधि, वडा नं. ९ मा ११ जना, वडा नं. १० मा ४ जना प्रतिनिधि, वडा नं. ११ मा ३ जना प्रतिनिधि, वडा नं. १२ मा ६ जना, वडा १३ मा ४ जना प्रतिनिधि चयन भएका छन् ।