खोज

लमही, १० कार्तिक ।
दाङको गढवा र राजपुर गाउँपालिका कार्यक्षेत्र रहेको इलाका प्रहरी कार्यालय गढवाको परिसरमा सुविधा सम्पन्न र अत्याधुनिक सेवाकेन्द्र भवन निर्माण हुने भएको छ । वेलायत सरकार र प्रहरी प्रधान कार्यालयको संयुक्त साझेदारीमा सञ्चालित सुरक्षा तथा न्याय परियोजना ( ग्लयउक ) अन्तर्गत महिला वालवालीका तथा जेष्ठनागरिक सेवाकेन्द्रको सुविधासम्पन्न भवन निर्माण हुने भएको प्रहरी प्रधान कार्यालय भौतिक पूर्वाधार निर्देशनालयका प्रहरी बरिष्ठ उपरिक्षक रामकुमार चौधरीले जानकारी दिए ।

इलाका प्रहरी कार्यालय गढवाको नेपाल प्रहरीको विज्ञ टोलीद्धारा भवन निर्माणको स्थलगत अध्ययन तथा स्थानीयहरूसंग अन्र्तकृया कार्यक्रम गरिएको हो । कार्यक्रममा नेपाल प्रहरीको भौतिक पूर्वाधार निर्देशनालय अन्तरगत सुरक्षा तथा न्याय परियोजना मार्फत लुम्बिनी प्रदेशका बुटवल, चन्द्रौटा, कोहलपुर र दाङको गढवा गरि ४ स्थलहरूमा आधुनिक र सुविधासम्पन्न सेवाकेन्द्रका भवनहरू निर्माणका लागि प्राबिधिक स्टिमेट तयार गरेर ठेक्का टेण्डर समेत भैसकेको जानकारी गराइएको हो । नेपालका ३६ जिल्लामा ५८ वटा सेवाकेन्द्र संचालनका यस्ता भवनहरू निर्माण गर्न थालिएको प्रहरी प्रधान कार्यालय भौतिक पूर्वाधार निर्देशनालयका प्रहरी बरिष्ठ उपरिक्षक रामकुमार चौधरीले जानाकारी दिए ।

दाङ जिल्लाको इलाका प्रहरी कार्यालय गढवाको परिसरको दक्षिणतर्फ निर्माण गरिने यस भवनको अलग्गै बाउण्ड्री तथा गेट रहने र नागरिक मैत्री सेवा प्रवाह गरिने कार्यक्रममा जानकारी गराईएको हो । उक्त भवनमा चिल्ड्रन पार्क, परामर्श कक्ष, मुद्दाफँट, संचार कक्ष, ईण्ट्री कक्ष, स्वागत कक्ष, भान्छा, रेष्टरुम लगायतका बिभिन्न कक्षहरू रहने साथै सुविधा सम्पन्न अत्याधुनीक, भूकम्प प्रतिरोधी र अपांगमैत्री संरचना निर्माण गरिने बताइएको छ । झण्डै ३ करोडको लागत स्टिमेटमा महिला वालवालीका तथा जेष्ठ नागरिक सेवाकेन्द्रको उक्त भवन निर्माण गरिने भएको छ । भवन निर्माण संगै २ बर्षसम्म गढवा र राजपुरका १५ वटै वडाहरूमा सेवा प्रबाह हुनेगरी घरेलु हिंसा, लैंगिक हिंसा र वालविवाह न्यूनीकरण, वाल यौन दुब्र्यवहार, जर्वजस्ती करणीका घटनाहरू न्यूनीकरण तथा जेष्ठनागरिकहरूको हितका लागि सचेतना मूलक कार्यक्रमहरू समेत सञ्चालन गरिने परियोजनाका आधीकारी कृति थापाले जानकारी दिए।

इलाका प्रहरी कार्यालय गढवाको कार्यक्षेत्र गढवा र राजपुर गाउँपालिकाका १५ वटा वडाहरू र भारतसंग सिमाना जोडिएका ४२ बढी नाकाक्षेत्रहरू रहेका छन् । यस क्षेत्रमा महिला वालवालीका बेचविखन तथा ओसारपसारका थुप्रै अपराधिक घटनाहरू हुने गरेका छन् भने वालविवाह, वाल यौन दुब्र्यवहार, जवरजस्ती करणी र जेष्ठनागरिकहरूमा हुने अमानवीय ब्यवहार यि सबै समस्याहरूलाई न्यूनीकरण गर्न र सामाजीक सचेतना फैलाउन उक्त भवनमा कार्यालय राखी नेपाल प्रहरीले सेवा प्रवाह गर्ने र परियोजना अन्र्तगत थुप्रै सामाजिक सचेतनाका कार्यक्रमहरू पनि सञ्चालन गरिने कार्यक्रममा बताइएको हो ।
गढवा गाउँपालिकाका अध्यक्ष यमनारायण शर्मा पोख्रेलले यस्तो सुविधासम्पन्न सेवाकेन्द्रको भवन गढवा गाउँपालिकामा रहेको इप्रकामा बन्दै गरेकोमा खुसी ब्यक्त गर्दै यसको प्रभावकारीता, दिगोपना र संरक्षणमा स्थानीय सरकारको दायित्व रहने बताए ।