खोज

बुटवल, ८ कार्तिक । अन्तराष्ट्रिय पोलियो दिवस (अक्टोबर २४) को अवसरमा रोटरी आरआई डिष्ट्रिक ३२९२ नेपाल–भुटान रिजन ५ अन्तरगतका ३५ वटा क्लबहरुले रुपन्देहीमा वृहत कार रयाली गरेको छ । ‘पोलियो अब अन्त्य गर’ ब्यानरसहित गोलपार्कबाट शुरु भएको रयाली भैरहवा पुगेर समापन गरिएको थियो । समापन कार्यक्रममा रोटरी डिष्ट्रिक ३२९२ का निर्वतमान डिजी राजेन्द्र ध्वजुले रोटरीको पहिचानलाई कायम राखे गरि विश्वभर नै सामाजिक कार्यमा रोटरीयनहरुको योगदान महत्वपूर्ण रहेको बताए ।

विभिन्न रिजनमा फरकफरक रचनात्मक कार्य गरेर पोलियो दिवस मनाउने क्रममा यसवर्ष रिजन ५ मा कार रयाली गरिएको उनले बताए । रोटरीको रिजन १,२ र ३ मा साईकल रयाली, रिजन ४ मा सडक नाटक तथा पाचमा कार रयाली, प्लेकार्ड र ब्यानर र डिजिटल बोर्डमा प्रसारप्रसार लगायत कार्यक्रम गरेर मनाईने उनले बताए । रोटरीबाट सन १९७९ मा पोलियो प्लस अभियान थालेको भन्दै उनले सन १९८८ मा विश्वबाट पोलियो निर्मुल गर्न डब्लु एचओसंग रोटरी ईन्टरनेश्नलले सम्झौता गरेर अभियानहरु चलाएको बताए ।

कार्यक्रममा डिष्ट्रिक पोलियो प्लस कमिटि चेयर ध्रुव धितालले शहरी क्षेत्र केन्द्रित सचेतनालाई यो वर्ष जोड दिएको बताए । रुपन्देहीका हाईवेमा रहेका फ्लाईओभरसहित विभिन्न स्थानमा ‘पोलियो अब अन्त्य गर’ को ब्यानर, प्लेकार्ड लगाउनेमात्र नभई विभिन्न स्थानका डिजिटल बोर्डहरुमा साझ ६ बजे १८ र १४ सेकेण्डका सचेतनामुलक भिडियो प्रदर्शन गर्ने उनले बताए । रोटरीले यो अभियानमा १ अर्ब डलर भन्दा बढि लगानी गरेको उनले दाबी गरे । नेपालमा सन २०१४ मे ७ मा पोलियो फ्रि घोषणा भएको उनले बताए । पाल्पामा ३ वटा क्लबहरु र दाङमा समेत क्लबहरुबाट कार्यक्रम हुने उनले बताए ।

कार्यक्रममा रोटरी क्लब अफ बुटवलका अध्यक्ष प्रज्वल थान्जुले पोलियो उन्मुलनमा रोटरी ईन्टरनेश्नलको योगदानबाट मिलेको सफलताबारे प्रकाश पारे । यस क्षेत्रमा जनस्वस्थ्यसंग समन्वय गरि भ्याक्सिनेसनको अभियान समेत चलाउने तयारी रहेको उनले बताए ।

कार्यक्रममा रिजन पाचका पोलियो प्लस कमिटि चेयर जितेन्द्र शर्मा, रोटरी क्लब अफ रुपन्देहीका अध्यक्ष प्रमोद पंन्थी, रोटरी क्लब अफ मेडिको फ्युजन ई हाईब्रिडका अध्यक्ष डा.विक्रम काफ्लेले शिक्षा, स्वस्थ्य, खानेपानी, वातावरण र सरसफाईको क्षेत्रमा समुदायस्तरमा रोटरी क्लबबाट निरन्तर कार्यक्रमहरु हुने गरेको बताए । रोटरी हाल २०८ देशमा १२ लाख सदस्यहरु आवद्ध रहेको सामाजिक संस्था समेत रहेको छ ।