खोज

बुटवल, १६ भदौ । रुपन्देहीमा सम्पन्न प्रथम तिलोत्तमा शारीरीक सुगठन प्रतियोगिताको उपाधि रोयल फिट्नेसका कुशल गुरुङ्गले चुमेका छन । शनिबार अबेर भएको फाईनलमा ७० केजी प्लस तौल समुहबाट विजेता बन्दै गुरुङ्ग ओभर अल टाईटलको उपाधि जितेका हुन । उपाधिसंगै उनले नगद ७५ हजार रुपैया, कप, मेडल तथा प्रमाणपत्रबाट पुरस्कृत भए ।

तिलोत्तमा नगरपालिकाको आयोजना, नगर खेलकुद विकास समिति, एक्ट्रिम फिटनेश क्लबको प्रायोजन तथा बुल्समेन क्लबको सहकार्य भएको प्रथम तिलोत्तमा श्री शारिरिक सुगठन प्रतियोगिता २०८१ एवं पुरुष र महिला फिजिक, रुपन्देही जिल्ला स्तरीय प्रतियोगिता शारीरिक सुगठनतर्फ ५५ केजी तौल समुहमा फिजीकल फिट्नेस एण्ड ब्युटीका प्रतीक पन्थ प्रथम तथा दिप जिमका सन्दीप अर्याल दोस्रो र रोयल जिम फिटे्नेसका दिलीप थापा तेश्रो भए । यसैगरि ६० केजी तौल समुहमा रोयल आईरन जिमका सागर बिक प्रथम र फिट्नेस टाईमका खेमानन्द अधिकारी दोस्रो तथा द वेलनेस जिमका काजु पुन तेश्रो भए ।

त्यस्तै ६५ केजी तौल समुहमा एक्स्ट्रीम फिट्नेसका चन्द थापा प्रथम भए । फिजीकल फिट्नेसका निरोज केसी दोश्रो तथा टवान्टीफोर आवर हेल्थ क्लबका बिष्णु परियार तेस्रो भए । यसैगरि ७० केजी तौल समुहमा ए एण्ड ए हेल्थ क्लबका बिज्ञान श्रेष्ठ प्रथम, फिट्नेश क्लबका ओसीङ्ग सारु मगर दोस्रो र डाइनेष्टी फिट्नेसका अभिजीत महत तेस्रो भए । भने ७० प्लस इभेन्ट्मा कुसल गुरुङ्ग प्रथम तथा बुटवल फिट्नेसका भुपाल कुंवर दोस्रो तथा दिप जिमका राहुल दर्लामीले तेस्रो भए ।

यता प्रतियोगिता अन्तरगत मेन्स फिजिक्स १७० सेमी तल तर्फको प्रतियोगितामा फिट्नेस क्लबका रोहीत शाही प्रथम भएका छन । प्रतियोगितामा ट्वान्टी फोर हेल्थ फिट्नेसका सन्जिब थापा दोस्रो तथा अनुप शाही ठकुरी तेस्रो भए ।
मेन्स फिजिक्सको १७० सेमीमाथि तर्फ एक्ट्रीम फिट्नेसका रेसित राना प्रथम भए । रअ फिट्नेसका सबी सिङ्ग ठकुरी दोस्रो र योर्स मल्टीपल फिट्नेसका रोशन कुंँवर तेश्रो भए । महिला फिजिक्सतर्फ भएको प्रतियोगितामा रीता बिक प्रथम भए । यसैगरि रजीता अर्याल दोस्रो तथा मनीषा न्यौपाने तेस्रो भईन । प्रतियोगितामा रुपन्देही जिल्लाका करीब ५० खेलाडीहरुले भाग लिएका थिए ।

एक समारोहका बिच तिलोत्तमा नगरपालिकाका नगरप्रमुख रामकृष्ण खाँण, प्रदेश खेलकुद परिषद लुम्बिनीका सदस्य सचिव तिरन गौतम, सञ्चार समन्वय परिषद लुम्बिनी प्रदेशका अध्यक्ष मिलन गाहा र समाजसेबी मिलन थापा, तिलोत्तमा नगर खेलकुदका संयोजक तथा एन्फा रुपन्देहीका अध्यक्ष लोक पुन, संयोजन एक्स्ट्रीमका सञ्चालक मन बहादुर थापाले विजेता, उपविजेता खेलाडीहरुलाई पुरस्कार वितरण गरेका थिए ।