खोज

रोल्पा, २९ साउन ।
मलेशियाको क्वालालाम्पुरमा सम्पन्न छैठौ हिरोज ईन्टरनेशनल तेक्वान्दो प्रतियोगितामा स्वर्ण पदक विजेता रोल्पाका हेमन्त खत्रीलाई सम्मान थाप्न भ्याई नभ्याई भएको छ । स्वर्ण जितेर गृह जिल्ला फर्किएका खत्रीलाई स्थानीय सरकार, विभिन्न संघ संस्था, संचारगृह लगायतले सम्मान गरिरहेका छन ।

उनलाई लुम्विनी प्रदेश प्रमुख कृष्णवहादुर घर्तीमगरले सम्मान गरेका थिए । यसैगरि सुनिलस्मृती गाउँपालिका रोल्पा, जिल्ला व्याडमिन्टन संघ रोल्पा, सत्प्रयास समूह रोल्पा, व्रम्हाकुमारी ईश्वरीय विश्वविद्यालय रोल्पा, लायन्स क्लव अफ रोल्पा, नेपाल रेडक्रस सोसाईटी रोल्पा जिल्ला शाखा र तेक्वान्दो संघ रोल्पाले सम्मान गरेका थिए । उनलाई रेडियो मालश्री, रेडियो जलजला लगायतका संचार माध्यमले समेत सम्मान गरेका थिए ।

सम्मानीत खेलाडी खत्रीले खेल क्षेत्रमा सरकाले ध्यान दिनुपर्ने बताएका छन । आफनो क्षेत्रका जुन खेल राम्रो छ सोही खेललाई बढावा गर्नु पर्ने उनको भनाई छ । खेल क्षेत्रलाई स्थानीय तहमा अब्बल बनाउन सके रोल्पा जिल्लाबाट पनि राष्ट्रिय तथा अन्तर्राष्ट्रिय प्रतियोगितामा मेडल प्राप्त गर्न सक्ने खेलाडी उत्पादन हुने खत्रीले वताए ।

अन्तर्राष्ट्रिय स्तरका प्रतियोगितामा नेपालले तेक्वान्दो खेलवाट सबभन्दा धेरै पदक ल्याउने गरेको बताउँदै देशको शिर उचो राख्न तेक्वान्दो खेलले महत्वपुर्ण भूमिका खेलेको वताए । हरेक खेलमा अनुशासनका साथै स्वस्थ जिवन, आत्म सुरक्षा र बौद्धिक विकासका लागी खेलिने खत्रीको भनाई छ । खेल क्षेत्र नेपालका तीन वटै तहका सरकारको ध्यान जानु पर्ने खत्रीको भनाई छ । खेल क्षेत्रको लागि नेपालका तीन वटै तहका सरकारहरूले प्रयाप्त बजेटको व्यवस्था नगरेको भन्दै खेल क्षेत्रको विकासका लागि उचित रकम र आवश्यक पूर्वाधारको व्यवस्था गर्नु पर्ने धारणा व्यक्त गरे ।

हरेक माध्यमिक विद्यालयहरूमा खेल प्रशिक्षक व्यवस्था गर्न सके स्थानीय क्षेत्रमा खेललाई अझै व्यवस्थित बनाउन सकिने खत्रीले औल्याए । खेललाई निरन्तरता दिन सके स्थानीय हुँदै जिल्लास्तर, प्रदेश र केन्द्रबाट राष्ट्रिय तथा अन्तर्राष्ट्रिय स्तरमा पुगि नेपालको सान उच्च बनाउन सकिने धारणा व्यक्त गरे ।

जिल्ला खेलकुद विकास समिति रोल्पाको उपाध्यक्ष समेत रहेका खत्री जिल्ला तेक्वान्दो संघ रोल्पाका अध्यक्ष समेत हुन । खेल क्षेत्रका साथै अन्य विभिन्न सामाजिक संघ संस्थामा समेत आवद्ध रहेका खत्री मलेसियावाट खेल जितेर आए यता लगातार सम्मानीत भईरहेका छन । खत्री रोल्पा नगरपालिका वडा नंं १० का स्थायी वासिन्दा हुन् ।