© 2026
२७ बैशाख २०८३, आइतबार
२७ बैशाख २०८३, आइतबार
नवलपुर, २३ असार ।
पुर्वी नवलपरासीको गैँडाकोट–२ मा नारायणी नदीको बाढी बस्तीमा पसेको छ । अविरल वर्षापछि आएको बाढी बस्तीमा पसेको हो ।
बाढीका कारण गैँडाकोट–२ बोटेटोलका करिब एक सय घर डुबानमा परेका वडाध्यक्ष प्रकाश सापकोटाले जानकारी दिए ।
यहाँका करिब चार सयजना प्रभावित भएपछि सुरक्षित स्थानमा सारिएको सापकोटाले बताए । यहाँ बर्सेनि बाढी पसेर क्षति पुर्याउने गरेको छ बस्तीका प्रभावितहरू छिमेकीको घर तथा सामुदायिक भवनमा बसेका छन् ।
बाढी प्रभावितलाई खानाका लागि सामूहिक व्यवस्थापनको तयारी गरिएका सापकोटाले बताए ।
यसैबीच, नारायणी नदीले खतराको तह पार गरेको छ । नारायणी नदीको देवघाटस्थित जल मापन केन्द्रका अनुसार शनिबार साँझ ७ः३३ बजे नदीमा पानीको सतह १० दशमलव ४० मिटर पुगेको छ । नारायणी नदीको देवघाट मापन केन्द्रमा पानीको सतह नौ मिटर पुगेपछि खतरा मानिन्छ ।
नारायणी नदीले खतराको तह पार गरेपछि नदी तटीय क्षेत्रका बासिन्दालाई सुरक्षित रहन आग्रह गरिएको प्रमुख जिल्ला अधिकारी अरुण पोखरेलले बताए ।
© 2026
All rights reserved.
Design & Developed By:
