खोज

तिलोत्तमा,१५असार ।   लायन्स क्लब तिलोत्तमा बुद्धज्योतिमा पद हस्तान्तरण भएको छ । लायन वर्ष २०२३–२४का अध्यक्ष देव बहादुर कुँवर नेतृत्वको टिमले वर्ष २०२४–२५ का अध्यक्ष कृष्णप्रसाद पन्थी नेतृत्वको टिमलाई पद हस्तान्तरण गरेको हो ।

तिलोत्तमाको ड्राइभरटोलमा आयोजित एक औपचारिक कार्यक्रममा पदभार ग्रहण गर्दै अध्यक्ष पन्थीले लायन्स इन्टरनेसनलको नीति निर्देशन अनुसार क्लबले निस्वार्थ सेवा भावले आफू भन्दा कमजोर वर्ग समुदायलाई सहयोग पुग्ने गरी सामाजिक र मानवीय सेवा कामहरु गर्ने प्रतिवद्धता जनाए ।

क्लबको पहिचान बनेको योगीकुटीको स्मार्ट पार्क र शंकरनगर स्वास्थ्यचौकी परिसरको सामुदायिक पार्कलाई संरक्षण र ब्रान्डिङ् गर्ने,स्थानीय सरकारसंग मिलेर थप पार्क निर्माण , उद्यमशीलता विकास तालीम, पारिवारिक रिफ्रेसमेन्ट कार्यक्रम, उद्घोषण कला तालिम लगायतका कामहरु आफ्नो कार्यकालमा गर्ने अध्यक्ष पन्थीले बताए ।

कार्यक्रममा निवर्तमान अध्यक्ष देवबहादुर कुंवरले आफ्नो कार्यकालमा आउट स्ट्याण्डिङ क्लब र आउट स्ट्याण्डिङ पे्रसिडेन्ट अवार्ड पाएको , योकिकुटी पार्क सुन्दरता कायम राख्न आफू सञ्चालक रहेको स्टडी वल्र्डले आर्थिक सहयोग गर्दै आएको जानकारी गराउंदै कार्यकालमा सहयोग पुराएका पदाधिकारी र सदस्यलाई धन्यवाद ज्ञापन गरे भने पुर्व अध्यक्षहरु विष्णु थापा, गंगाराज सापकोटाले क्लबले छोटो अवधिमै आफूलाई स्थापित गर्न सफल भएको भन्दै आगामी दिनमा थप क्रियाशील हुन सुझाव दिए ।  कार्यक्रममा नयां सदस्य पुण्यप्रसाद सापकोटा र चार्टर मेम्बर अशोक दर्लामीलाई क्लबमा स्वागत गर्दै सदस्यता प्रदान गरिएको सचिव करन रानाले जानकारी दिए ।

गत वैशाखमा भएको अधिवेशनबाट अध्यक्षमा कृष्ण प्रसाद पन्थी,प्रथम उपाध्यक्षमा उपेन्द्रप्रसाद अधिकारी, द्वितीय उपाध्यक्षमा इन्जिनियर बिनोद भन्डारी,तृतीय उपाध्यक्षमा शोभाखर खनाल,चौथो उपाध्यक्षमा मेख बहादुर कुंवर, सचिवमा करन राना,कोषध्यक्षमा हुत राज शर्मा (शंकर) सर्वसम्मत निर्वाचित भएका थिए । यस्तै मेम्बरसीप चेयर पर्सनमा राजेन्द्र शर्मा,क्लब मार्केटिङ एण्ड कम्युनिकेसन चेयरपर्सनमा टिआर शर्मा र सल्लाहकारमा शान्ता कार्की निर्वाचित भएका थिए ।