खोज

बुटवल ।

बुटवलको डेल्टा एजुकेशन मार्टमा विहिवार साँझ ६ बजेदेखि लागेको भिषण आगलागी झण्डै चार घण्टापछि नियन्त्रणमा आएपनि मार्ट पूर्ण रुपमा जलेर ध्वस्त भएको छ । बुटवल उपमहानगरपालिका सहित सहित वरिपरीका आठ वटा दमकल प्रयोग गर्दा मार्टमा लागेको आगो समयमै नियन्त्रण हुन सकेन् । जसोतसो वस्ती त जोगियो तर मार्ट पूर्ण रुपमा जलेर खरानी भएको छ ।

जिल्ला प्रहरी कार्यालय रुपन्देहीका प्रहरी उपरीक्षक (एसपी) रंजितसिंह राठौरका अनुसार क्षतिको एकिन विवरण अझै आइसकेको छैन् । तर, करोडौँको क्षति भएको आकलन गरिएको छ । आगो नियन्त्रणका लागि छिमेकी तिलोत्तमा नगरपालिका, सैनामैना नगरपालिका, सिद्धार्थनगरपालिका भैरहवा, देवदह नगरपालिका, सुनवल नगरपालिका, गौतमबुद्ध अन्तराष्ट्रिय विमानस्थल र शिवराज नगरपालिका कपिलवस्तुका दमकल प्रयोग गरिएको थियो ।

तीन तलाको मार्टको माथिल्लो तलाबाट आगो लागेको थियो । विद्युत्त सर्ट भएर आगो लागेको हुनसक्ने प्रारम्भिक अनुसन्धानबाट खुलेको छ । घटनास्थलमा नेपाल प्रहरी, नेपाली सेना, शसस्त्र, स्थानीयबासी लगायतको सहयोगबाट बस्तीमा आगो जानबाट जोगिएको छ । बुटवल उपमहानगरपालिका–८ स्थित मिलनचोकमा रहेको उक्त मार्टमा शैक्षिक सामग्री सहित जुत्ताचप्पलको मेला लाग्ने गर्छ ।

डेल्टा एजुकेशन बुटवलमा अहिले भीषण आगलागी भैरहेको छ । बुटवल उपमहानगर पालिकाको एउटा बरुण अयन्त्रले आगो निभाउने प्रयास गरिरहेको छ । मार्टको माथिल्लो तलाबाट सुरु भएको आगलागीका कारण मार्टको तेस्रो तलामा रहेको खलकुद र स्टेसनारीका सामनहरु जलेर नष्ट भएका छन् ।

डेल्टा कम्प्लेसको चौथो तल्लामा लागेको आगो बुटवल उपमहानगर पालिका नेपाल प्रहरी र स्थानीय वासिन्दाको प्रयासमा निभाउने प्रयास भएको इलाका प्रहरी कार्यालय बुटवलका प्रमुख प्रहरी नायब उपरीक्षक विजयराज पण्डितले बताए ।

बिद्युत सर्ट भएर आगलागी भएको हुन सक्ने मार्टका संचालक घनश्याम पाठकले बताए । अझै आगो नियन्त्रणमा आएको छैन ।