खोज

बुटवल, ४ जेठ । भारतको पर्यटक भित्राउन रुपन्देही र पाल्पाका होटल ब्यवसायीहरुले पर्यटकिय स्थानको प्रचार र प्याकेजका योजना अघि बढाउने भएका छन । छिमेकी देश भारतको सानो जनसंख्या पर्यटकका रुपमा नेपाल भित्राउदा ठुलो आर्थिक चलायनमान हुने भन्दै यसका लागि यस क्षेत्रमा रहेका पर्यटकिय क्षेत्रहरुको प्रचार र प्याकेजलाई जोड दिने भएका हुन । २४ करोड १० लाख ६६ हजार ८ सय ७४ जनसंख्या रहेको भारतको उत्तरप्रदेशबाट एक प्रतिशत पर्यटक भित्राउन सके लुम्बिनी प्रदेशका पर्यटन ब्यवसायीलाई पर्याप्त हुने रुपन्देही होटल तथा रेष्टुरेन्ट ब्यवसायी संघका अध्यक्ष लेखनाथ भण्डारीले बताए । ‘एक प्रतिशत भन्नु नै करीब २५ लाख पर्यटन हो ।’—उनले भने ।

रुपन्देही र पाल्पाका पर्यटकिय क्षेत्रलाई प्रचारप्रसार र बजारीकरण गर्दै भारतमा पुगेर पर्यटन प्रवद्र्धनलाई अघि बढाउने तयारीमा रहेको उनले बताए । तराई क्षेत्रको प्रचण्ड गर्मी छल्न केवल ४० किलोमिटरको दुरीमा हिल स्टेशनको पहिचान बनाएको पाल्पा क्षेत्रमा चिसो मौसममा पर्यटक भित्राउन सकिने रुपन्देही होटल तथा रेष्टुरेन्ट ब्यवसायी संघका अध्यक्ष लेखनाथ भण्डारीले बताए । चुरे पहाड, चिसो हावापानीका कारण पनि यो उत्कृष्ट गन्त्ब्य भएको भन्दै यस क्षेत्रमा रहेका रानीमहल, रानी झरना, अग्रेली दरबार (जुद्घ सम्शेर), ख्याको सेल्फि डाडा, श्रीनगर, जोरधाराभन्दा जन्तीलुङ, पाल्पा दरबार, सुरुङमार्गमा पर्यटक भुलाउन सकिने उनले बताए । यसैगरि नुवाकोटको कालभैरव, बसन्तपुरको कामाख्या मन्दिर, ऋषिकेश मन्दिर, भगवती मन्दिर, रम्भादेवि मन्दिर, सत्यवती, सिद्धबाबा र बन्द्रीनारायण मन्दिर लगायतका धेरै धार्मिक पर्यटकिय क्षेत्रहरु यहा रहेको उनले बताए ।

पाल्पा जिल्ला होटल तथा रेष्टुरेन्ट संघसंग छलफल तथा रुपन्देही जिल्ला संघको दोस्रो नियमित बैठकबाट पर्यटन प्रवद्र्धनमा ब्यवसायीहरु बिच सहकार्यसहित अघि बढ्ने निर्णयहरु भएको महासचिव अर्जुन थापाले बताए । संस्थाबाट सदस्यहरुको विकासका लागि विभिन्न सीपमुलक तालिम निरन्तर चलाउने उनले बताए । यहा रहेको विभिन्न संघसंस्थाहरुको सहयोगमा बारिष्ठा, पुर्नताजगी तालिम, फ्रन्ट अफिस ब्यवस्थापन लगायतका सीपमुलक तालिम गरिने उनले बताए । यसैगरि स्मारिका प्रकाशन, नन्दिनी गौशालामा सहयोग, सफटवेयर तथा वेभसाईडलाई ब्यवस्थापन गर्ने उनले बताए । यसैगरि रुपन्देही भित्रका पर्यटन क्षेत्र झल्काउने गरि प्रत्येक ब्यवसायीको काउन्टरमा बोर्ड तथा सेल्फि जोन राख्न अनुरोध गरिने उनले बताए ।

कार्यक्रममा पाल्पा होटल तथा रेष्टुरेन्ट संघका अध्यक्ष लक्ष्मण बश्यालले पर्यटन उद्योग नै देशको आर्थिक समृद्धिको आधार भएको भन्दै यसका लागि सरकारबाट पर्यटनमैत्री नीति ल्याउनुपर्ने बताए । नीजि क्षेत्रबाट ठुलो लगानी भएको पर्यटन क्षेत्रलाई अब सरकारको साथ जरुरी रहेको उनले बताए ।

कार्यक्रममा संघका वरिष्ठ उपाध्यक्ष माधव खनाल, पर्यटन उपाध्यक्ष रोमाकान्त पाण्डे, द्घितिय उपाध्यक्ष प्रेम प्रसाद भट्टराई, पाल्पा जिल्लाका संस्थापक अध्यक्ष मोहन श्रेष्ठले नेपालसंग सिमा जोडिएको भारतको उत्तर प्रदेशका पर्यटक भित्राउने गरि पर्यटन प्रर्वद्धनका कार्यक्रमलाई जोड दिनुपर्ने बताए ।