खोज

बुटवल, ९ चैत । सुस्ताएको बुटवललाई रात्रीकालिन बजारबाट चलायमान बनाउन सकिने एक कार्यक्रममा बोल्ने बक्ताहरुले जोड दिएका छन । होटल तथा रेष्टुरेन्ट ब्यवसायी संघ रुपन्देहीले शुक्रबार बुटवलमा आयोजना गरेको रात्रीकालिन बजार संचालनका लागि अन्तरक्रिया कार्यक्रममा बोल्ने बक्ताहरुले पर्यटन पुर्वाधार विकास सहित न्युनतम आवश्यकता पुरा गर्न जरुरी रहेको बक्ताहरुले दाबी गरेका छन ।

कार्यक्रममा संघका महासचिव अर्जुन थापाले कार्यपत्र प्रस्तुत गर्दै नया खेलेका सेवा उद्योगहरुसंगै सुरक्षाको मापदण्ड पुरा गरेर रात्रीकालिन बजार चलाउने सकिने बताए । अन्तराष्ट्रिय मापदण्ड अनुसार अनुसार २४ सै घण्टा अत्यावश्कीय सेवा प्रवाह हुने गरि सरकारबाट पहल जरुरी रहेको उनले बताए । बुटवललाई विभिन्न चरणमा रात्रीकालिन बजार ब्यवस्थापनको प्रयासहरु भएको भन्दै उनले स्थानिय पालिकाबाट वार्षिक नीति तथा कार्यक्रम ल्याएर नै रात्रीकालिन बजारको चलाउन अगुवाई भएको उनले बताए ।

कार्यक्रममा बुटवल उद्योग वाणिज्य संघका अध्यक्ष हरि प्रसाद अर्यालले शहरी विकाससंगै यस क्षेत्रका सेवा उद्योगहरु अब प्याकेज चलाउन जरुरी रहेको बताए । हरेक ब्यवसायी, पेशाले गुणस्तरमा जोड दिनुपर्ने उनको सुझाव दिदै बुटवलको भाडा समायोजनको विषय गम्भीर भएको बताए । घरधनी समयमा सचेत नभए बाहाल खोज्ने अवस्था सृजना हुने उनको दाबी छ । निर्वाध ब्यवसाय गर्न पाउनुपर्ने विषयमा ब्यवसायी संस्थाहरु अगुवाई जरुरी रहेको छ । जनसंख्याका हिसाबमा दैनिक ३ लाख ब्यक्तिहरुको आवातजावत हुने बुटवललाई चलायमान बनाउन रात्रीकालिन बजार आवश्यक रहेको बताए ।

कार्यक्रममा संघका वरिष्ठ सल्लाहकार माधव नेपाल, नाटा लुम्बिनीका उपाध्यक्ष कुलचन्द्र पाण्डेले पर्यटनको कुरा धेरै उठेपनि काम हुन नसकेको दुखेसो गरे । पर्यटन कै नाममा रहेका सरकारी निकायहरु ब्यवसायीहरुलाई कुनै प्रकारको सहयोग पाउन नसकेको दाबी गरे ।

कार्यक्रममा संघका अध्यक्ष लेखनाथ भण्डारीले प्रत्येक पालिकामा बिना दर्ता संचालनमा रहेका उद्योग, ब्यवसायीहरुलाई कानुनी दायरामा ल्याउनुपर्ने सुझाव दिए ।

कार्यक्रममा रुपन्देही व्यापार संघका अध्यक्ष दिपक अधिकारी, उद्योग व्यापार संघका अध्यक्ष विष्णु प्रसाद पाण्डे, खुद्रा किराना ब्यवसायी संघका वरिष्ठ उपाध्यक्ष गोपाल प्रधान, घरबहाल सरोकार संघ रुपन्देहीका अध्यक्ष राजु लिगल, उपभोक्ता हित संरक्षण मंचका अध्यक्ष समुन्द्र जिसी, वरिष्ठ उपाध्यक्ष माधव खनालले रात्रीकालिन बजारको विषयमा सरकार .गम्भिर योजना अघि बढाउनुपर्ने बताए ।