खोज

बुटवल, २ चैत । विद्यार्थीहरुको प्रतिभा प्रस्फुटन गर्ने रुपमा स्कलर्स होम बोर्डिङ स्कुलमा ट्रिम्प सेलिब्रेसन एण्ड फुड कार्निभ गरिएको छ । वर्षभरि उत्कृष्ट विद्यार्थीहरुलाई सम्मानका साथै प्रतिभा प्रस्फुटन गर्ने गरि खाना महोत्सव गरिएको हो । विद्यालय परिसरमा कक्षा ११ र १२ मा होटल ब्यवस्थापन अध्ययरत विद्यार्थीहरुले शुक्रबार खानाका परिकार राखेका थिए । किताबी ज्ञानसंगै आयआर्जनमा जोड्ने गरि ब्यवहारिक ज्ञान र सिकाईको रुपमा कार्यक्रम गरिएको विद्यालयका प्राचार्य बाबुराम बन्जाडेले बताए । प्रदर्शनमा थारु संस्कृतिका घोघीसहित चिकन मःमः, मसरुम छोईला, चुकाउने, प्लेन लस्सीलगायतका १२ थरिका परिकार राखिएको थियो ।

कार्यक्रमको बुटवल उपमहानगरपालिका वडा नं ९ का वडासदस्य भरत पुरी विवसले उद्घाटन गर्दै वडामा एकमात्र निजि लगानीमा संचालनमा रहेको विद्यालय भएको भन्दै सरकारी विद्यालयको अभावलाई पूरा गरेको उनले बताए । शैक्षिकसंगै अन्य गतिविधिमा समेत विद्यालय उत्कृष्ट रहेर नगर, जिल्ला हुँदै देशमा नै नाम कमाउन सफल भएको उनले बताए ।

यसैगरि कार्यक्रम बुटवल उपमहानगरपालिका वडा नं ९ का वडासदस्य भरत पुरी विवस, विद्यालयका उपप्राचार्य टिकाराम गौतम, महिला नेतृ तथा साहित्यकार सरिता श्रीसले ब्लड क्यान्सरबाट उपचार गराईरहेका विद्यार्थी चार वर्षिय अनसित न्यौपानेको अभिभावक मानदेव न्यौपानेलाई १ लाख ११ हजार १ सय १ रुपैया रकमको चेक हस्तान्तरण गरे ।

यसैगरि कार्यक्रममा स्पोट्र्स मिट, त्रैमासिक परिक्षामा उत्कृष्ट अंक ल्याउने विद्यार्थीहरुलाई सम्मान गरिएको थियो। विद्यार्थीहरुले सास्कृतिक नृत्य तथा लाईभ म्युजिक प्रस्तुत गरेका थिए ।