खोज

बुटवल, १ चैत । भारबाट नेपाल भित्रीएका गोरुको नेपाल हुँदै बंगलादेश तस्करी सुरु भएको छ । पछिल्लो समय तस्करहरूले कपिलवस्तु जिल्लाको बहादुरगंज क्षेत्रलाई केन्द्र बनाएर तस्करी सुरु गरेका हुन् । तस्करहरूले भारतीय गोरुलाई भन्सारमा हिडाउँदै नेपाल भित्राउने र नेपालमै गोरुको नक्कली कागज पत्र बनाएर तस्करहरूले गोरुको तस्करी गर्दै आएको पाइएको हो । गोरु तस्करले राजमार्गका प्रहरी कार्यालयका प्रमुख र जिल्लाका सुरक्षा निकायका प्रमुखहरूलाई मोटो रकम दिएर भारतिय गोरु नेपाल हुँदै बंगलादेश लैजाने गिरोह सक्रिय रहेको देखिन्छ । कपिलबस्तुको चन्द्रौटा नजिकै लोड गरिएको भनिएको गाडी फरक– फरक समयमा रूपन्देही र पाल्पामा फेला पर्नुले लुम्बिनी प्रदेशमा गोरु तस्करहरू खुलेआम रूपमा तस्करीको काम गर्दै आएको अनुमान गर्न त्यति अप्ठेरो नपरेको हो ।

फागुन १ गते प्रहरी चौकी दोभान पाल्पाले गोरु लोड भएको लु २ ख २५५ नम्बरको ट्रक नियन्त्रणमा लिएको थियो । तर गाडी अफीसमा लैजान नसकेको मुख्य राजमार्गमा रोकी राखेको गाडी एकाएक रातीनै गाडीका हेल्परले भगाएका थिए । उक्त गाडी भगाएको आरोपमा दोभान चौकीका प्रमुख जिल्ला तानिएको बुझीएको छ । फागुन २ गते पुन लु १ ख ८३४० नम्बरको ट्रक नियन्त्रणमा लिएर भैरहवा भन्सार कार्यालय पठाईदिएको थियो । कपिलबस्तु बाट आएको ट्रक बुटवलमा प्रहरीले समाउने डरले नयाँगाउँ नुवाकोट हँुदै दोभान झरेको पाईएको छ । मंगलबार रूपन्देहीको रामापुर चौकीबाट खटीएको प्रहरी टोलीले २ वटा गोरु लोड गरेको ट्रक समाउन सफल भएको छ रातीमा करीब १० बजेतिर तीब्र गतीमा गुडीरहेको ट्रकलाई रोकेर सोधखोज गर्दा गाडीमा गोरु भएको खुलेको थियो ।

प्रहरीका अनुसार ना ६ ख २६४५ र ना ६ ख २३ ८४ नम्बरको ट्रक रोकी चेकजाँच गर्दा एउटामा १९ र अर्काेमा १९ गरी ३८ वटा गोरु फेला पारेको बताएको छ । गोरु कपिलबस्तुमा लोड गरीएको चालकले प्रहरीलाई बयान दिएको प्रहरीको भनाई छ । इलाका प्रहरी कार्यालय बुटवलका प्रमुख प्रहरी नायब उपरीक्षक बिजय राज पण्डितले गोरुका २ वटा ट्रक नियन्त्रणमा लिएर कारवाहीका लागि भन्सार कार्यालय पठाईएको बताउँछन् । रातीमा गाडी रोकेर चेकजाँच गर्दा गोरु फेला परेको र अबैध ओसारपसारमा भन्सार पठाईएको उनको भनाइ छ । तस्करहरूले भारतिय गोरुलाई नेपालकै नक्कली कागज बनाएर गोरु तस्करी गर्दै आएका छन । स्रोतका अनुसार पछिल्लो समय कपिलबस्तुका नुनु भन्ने एक जना ब्यापारी गोरुको तस्करीमा मुख्य भएको बुझीएको छ ।

राजमार्गमा रहेका प्रहरी प्रमुख देखि जिल्लाका प्रहरी प्रमुखसम्मलाई मोटो रकम दिएर गोरुको लाईन मिलाउने गरेको पाईएको छ । भारतमा गोरु चोरी तस्करी गरेर खुल्ला नाकाको प्रयोग गर्दै नेपाल भित्राउने र नेपालको भएको भन्दै नक्कली कागजपत्र बनाएर पूर्व मेचीपुल हँुदै बंगलादेश लैजाने गरेका छन । बंगलादेशमा गोरु मासु प्रयोजनमा प्रयोग हुने एउटा गोरुको मुल्य २ देखि ४ लाखसम्म पर्ने हुँदा तस्करहरूले गोरु तस्करी आँखा लगाउँदै आएका छन् । भारतमा गोरु एउटा प्रदेशबाट अर्को प्रदेशमा लैजान नपाउने धार्मिक हिसाबले मान्य नहुँदा तस्करहरूले नेपालको सडक प्रयोग गर्दै आएको बताइन्छ ।
रूपन्देहीका प्रहरी प्रमुख रञ्जीत सिंह राठौरले रूपन्देहीको रामपुर कलौनी क्षेत्रबाट प्रहरीले दुई वटा गोरु लोड गरेको ट्रक नियन्त्रणमा लिएर कारबाहीका लागि भैरहवा भन्सार कार्यालय पठाइएको जानकारी दिए ।