खोज

बुटवल, २६ फागुन । महिलाहरुबाट संचालित ओम महिला तथा बाल अस्पतालमा ५ दिने स्थायी बन्ध्याकरण शिविर शुरु भएको छ । शिविरको एक कार्यक्रमका बिच तिलोत्तमा नगरपालिकाका नगरप्रमुख रामकृष्ण खाडले उद्घाटन गर्दै नगरमा स्वस्थ्य सेवा दिने गरि निजि क्षेत्रबाट महत्वपुर्ण कार्य भएको बताए । मानिस स्वस्थ्य रहन, परिवार स्वस्थ्य हुनुपर्ने भन्दै उनले यसलाई सहयोग हुने गरि नीजि क्षेत्रबाट अभियानको शुरुवात भएको उनले बताए । देशमा नै आर्थिक समस्याको कठिन अवस्थामा पनि सेवाका रुपमा रहेको अस्पताल खोलेर नमुना काम गरेको उनले बताए । यस क्षेत्रमा स्थापना भएको अस्पतालबाट महिला स्वास्थ्यमाज्ञ नभई स्थानियहरुलाई रोजगार दिनसमेत सफल भएको उनले बताए ।

जिल्ला जनस्वास्थ्य कार्यालयको सहयोगमा ओम महिला तथा बाल अस्पताल र नेपाल परिवार नियोजन संघको सहकार्यमा परिवार योजना स्थायी बन्ध्याकरण शिविर(मिनिल्याप÷भ्यासेक्टोमी) संचालन कार्यक्रममा अस्पतालका डाईरेक्टर कमला हमालले महिला र बालबालिकाहरुको स्वास्थ्यलाई लक्षित गरि सेवा दिदै आएको बताईन । नगरमा महिलाहरुको स्वस्थ्य सचेतना जगाउने गरि कार्यक्रमहरु अगाडी बढाएको भन्दै उनले परिवार नियोजन सेवा, बन्ध्याकरण सेवा लगायत संचालन गर्न सरकारबाट माग गरे अनुसार स्वीकृति पाएर शिविर संचालन भएको बताईन । सामाजिक उत्तरदायित्व अन्तरगत तिलोत्तमा नगरका पाच वटा वडामा गरिएको महिलाको पाठेघर क्यान्सर परिक्षणको क्रममा ७ सय जनामा ५० जनामा भिआईए पोजिटिभ देखिएको उनले बताईन । अझै पनि अस्पतालमा स्वस्थ्य परिक्षण गर्न जाने महिला धेरै रहेको भन्दै यस्ता शिविरबाट उनिहरुलाई घर बाहिर निकाल्न मद्यत मिल्ने बताईन । तिलोत्तमा नगरपालिकाको १७ वडामै परिक्षण गरेर एउटा तथ्याक निकाल्न मद्दत मिल्ने गरि काम अघि बढाएको उनले बताईन ।

कार्यक्रममा स्वास्थ्य कार्यालयका परिवार नियोजन शाखा प्रमुख प्रवास पन्थीले विवाह पश्चात् दम्पतीहरु सन्तान प्राप्तिसंगै आउने विभिन्न स्वस्थ्य सचेतना दिने काममा दक्ष चिकित्सकको अभाव रहेको बताए । तालिम प्राप्त चिकित्सकको अभावका कारण विभिन्न अस्पतालहरुको सहकार्यमा शिविरमार्फत सेवा दिएको उनले बताए । जिल्लामा मंसिर ५ देखि पुस ५ सम्मसबै पालिकाहरुमा शिविर संचालन गरेको भन्दै उनले कतिपय छुटेका सेवाग्राहीहरुको माग अनुसार तिलोत्तमा र बुटवलमा अहिले शिविर चलेको उनले बताए । ‘चिकित्सकहरुलाई विशेष तालिम दिएर यसलाई संचालन गर्न सकिन्छ ।’— उनले भने । आमा सुरक्षा कार्यक्रम संचालन भएका अस्पतालमा चाप बढेको हुदा यसलाई विकेन्द्रीकरण गर्न जरुरी रहेको उनले बताए । अस्पतालहरुमा नियमित सेवालाई अघि बढाउन जरुरी रहेको उनको सुझाव छ ।
ओम अस्पतालमा फागुन ३० गतेसम्म शिविर चल्ने छ । भने परिवार नियोजन संघमा चैत १ देखि ३ गतेसम्म चल्ने छ ।

कार्यक्रममा अस्पतालका अध्यक्ष शारदा तिवारी, सुपरिटेन्डेन्डन्ट डा शर्मिला शर्मा, स्वस्थ्य कार्यालयका खोप अधिकृत भेषराज शर्मा रिजाल, स्वस्थ्य शाखा प्रमख तिलोत्तमाका केशव भट्टराईले बिरामीहरुलाई अस्पतालसम्म ल्याउन र स्वस्थ्य अवस्था पहिचान गरि समयमा उपचार गराउन शिविर महत्वपूर्ण पाटो बन्ने बताए ।