खोज

बुटवल, १२ फागुन । स्कलर्स होम बोर्डिङ स्कुलमा शनिबार विद्यालयका अभिभावकहरुलाई लक्षित गरि एक दिने अभिभावन तथा अन्तरक्रिया कार्यक्रम गरिएको छ । कार्यक्रमको एक समारोहका बिच बुटवल उपमहानगरपालिका वडा नं ९ का वडाअध्यक्ष प्रदिप श्रेष्ठले उद्घाटन गर्दै सामुदायिक विद्यालय नभएको वडामा नमुना विद्यालयका रुपमा स्कलर्स भएको बताए । रुपन्देहीमा रहेका विद्यालयको स्तर राष्ट्रियस्तरमा नै ख्याति कमाएको उनले बताए । जीवनको साचो बुझाईका रुपमा आध्यात्मिक शिक्षा भएको भन्दै उनले खानपिन, बानी सुधारमा अभिभावकहरुको ध्यान दिन जरुरी रहने बताए ।

कार्यक्रममा स्कुलका प्राचार्य बाबुराम बन्जाडेले वार्षिक कार्ययोजना अनुसार कार्यक्रम गरिएको बताए विद्यार्थीको शिक्षामा बिद्यालयका शिक्षकमात्र नभई अभिभावकको पनि उत्तिकै दायित्व रहने भन्दै अभिभावकहरुलाई आफनो दायित्व पहिचान गराउने गरि कार्यक्रम गरिएको बताए । बालबालिकाहरुको आनीबानी र ब्यवहार सुधारका लागि अभिभावकको जिम्मेवारी महत्वपूर्ण हुने उनको तर्क छ ।
कार्यक्रममा प्रमुख प्रशिक्षक बिदुर फुयालले अभिभावकहरुलाई सहजिकरण गरेका थिए । उनी १५ वर्षदेखि माईण्ड म्यानेजमेन्ट अन्तरगत आर्ट अफ ट्यालेन्ट, तनाव ब्यवस्थापन, सकारात्मक सोच लगायतका विषयमा तालिम दिदै आएको कार्यक्रम सहजकर्ता ऋषिराम भुषालले बताए । अहिलेसम्म उनी ८ सय विद्यालयमा कार्यक्रम गरिसकेका छन ।

कार्यक्रममा पुर्व प्रजिअ टेक बहादुर थापा, बुटवल उपमहानगरपालिका वडा नं ९ का वडा सदस्य भरत पुरि विवस, स्कुलका संचालक खुबीराम आचार्य, क्याम्पस चिफ दिपक ढकाल, स्कलर्सहोमको सहप्राचार्य टिकाराम गौतम, प्लस टु संयोजक चेत नारायण पन्थी, लोकप्रसाद भण्डारी (राजु) ले अभिभावकहरुको निक्कै महत्वपुर्ण हुने भन्दै सबैभन्दा धेरै समयमा विताउने घरको वातावरणलाई विशेष ध्यान दिन जरुरी रहेको उनले बताए । एम्स कलेजसंग ब्यवस्थापनमा गाभिएको विद्यालयमा हाल १ हजार ७ सय विद्यार्थीहरु अध्ययनरत छन ।