खोज

दिनेश प्रसाद लोंध
लुम्बिनी ।
रुपन्देहीको लुम्बिनी साँस्कृतिक नगरपालिकामा फोहोर मैला व्यवस्थापन सम्बन्धी जनचेतना मुलक सडक नाटक सम्पन्न भएको छ ।

लुम्बिनी साँस्कृतिक नगरपालिकामा दीर्घकालिन रुपमा फोहोर व्यवस्थापन र सरसफाईलाई मध्यनजर गरी सडक नाटक कार्यक्रम सुरु गरिएको हो । नगरपालिकालाई स्वच्छ, सफा र सुन्दर बनाउन उद्देश्यले आम नागरिकहरुलाई सडक नाटकको माध्यमबाट जागरुक गर्ने उद्देश्यले नगरपालिका भित्र गाउँ र शहरमा नाटक प्रदर्शन गरेर जनचेतना फैलाईएको छ । कुहिने र नकुहिनेहरु फोहोर छुट्याउने, फोहोरमैला जथाभावी नफालौ भन्ने सन्देशसहित आम नागरिकहरुलाई सन्देश मुलक नाटकको माध्यमबाट जागरुक गराएको र जनता र जनप्रतिनिधिको जनसहभागितामा विभिन्न चौक बाजारमा सचेतनामुलक सडक नाटक देखाईएको हो । “जबसम्म आम नागरिक सचेत हुदैनन् तब सम्म फोहोर मैला व्यवस्थापन गर्न कठिनाइ भइरहन्छ त्यसै फौहोर मैला व्यवस्थापन जनचेतनाबाट सम्भव हुन्छ”– नगरपालिकाका अधिकृत रामप्रसाद प्रसाद ज्ञवालीले भने ।

लुम्बिनी साँस्कृतिक नगरपालिकामा फोहोर प्रशोधन केन्द्रको समस्याले गर्दा फोहोर मैला उठ्न सकेको थिएन । फोहोर प्रशोधन केन्द्रको निर्माण काम बाँकी रहेकाले अब केही महिना पछि पालिकाले दैनिक रुपमा घर घर चौक चौकमा फोहोर उठाउने भएको छ ।

कार्यक्रममा लुम्बिनी सांस्कृतिक नगरपालिकामा प्रमुख सजरुद्दीन मुसलमान, उपप्रमुख कल्पना हरिजन, राष्ट्रिय कलाकार राम चन्द्र अधिकारी (काजी बा), बिष्णु गैरे, सुरेश अशिम, दिपिका थापा, राजु श्रेष्ठले लगायतले फोहोर प्रशोधनका विषयमा धारणा राखेका थिए । वास प्रमुख शेषराम यादवको संयोजकमा तीन दिवसीय फोहोर मैला व्यवस्थापन सन्देश मुलक सडक नाटक सम्पन्न भएको हो ।