खोज

 दाङ,२८ माघ। रास्ट्रिय सूचना आयोगको आयोजनामा दाङको घोराहीमा सूचनाको हक सम्बन्धि अन्तरक्रिया कार्यक्रममा आइतबार सम्पन्न भएको छ । प्रमुख सूचना आयुक्त महेन्द्रमान गुरुङले सूचनाको हक नागरिकको संबैधानिक हक भएको बताए । नेपाली नागरिकलाई सुसूचित गर्नका लागि सूचना हकको तयारी गरिएको बताए । सूचनाको हक प्रयोग गरेर देशमा भएका ठुला ठुला भ्रष्टाचारका कुरा पर्दाफास भएको उनले बताए । उनले कानुन भन्दा माथी कोही नहुने बताउनुभयो भएका सबैले कानुनको पालना गर्ने बताए । सरकारी कार्यालयमा स्वत प्रकाशन गर्न आग्रह गरे । स्थानीय निकाय र सरकारी कार्यालयले सुचना माग गर्ने ब्यक्तिलाई सजिलै सूचना दिन आग्रह गरे । सूचना दिने प्रमुख दायित्व कार्यालय प्रमुखलाई हुने र कार्यालयको जवाफदेही पनि कार्यालय प्रमुख हुने भएकाले जिम्मेवार बन्न आग्रह गरे । उनले स्थानीय तहलाई सूचनाको हक प्रयोग गर्नका लागि केही न केही बजेट ब्यबस्थापन गरेर समय समयमा कार्यालयका कामको बारेमा जानकारी गराउन आग्रह गरे । सूचना अधिकारी र प्रबक्ताको जिम्मेवारी फरक भएकाले एकै तरिकाले बुझ्न नहुने बताए ।

समाजिक संजालको प्रयोग गरेर भए पनि सूचना दिन पनि सकिने बताए । प्रत्येक सरकारी कार्यालय र स्थानीय तहले आफ्ना बेवसाईड अपडेट राखेर जनताले चाहेको सूचना प्राप्त गर्न सहज बनाउन आग्रह गरेका छन् । सूचना आयोगका सचीव होमप्रसाद लुइँटेलले सूचनाको हक कार्यान्वयनमा कानुनी तथा पुनःलेखन सम्बन्धि कार्यपत्र प्रस्तुत गरेका थिए । उनले समयमा सूचना नदिने कार्यालयलाई कारबाही भएको कुरा राखेका थिए ।

कार्यक्रममा प्रमुख जिल्ला अधिकारी रामबन्धु सुबेदीले सबै सरकारी कार्यालयले सूचना अधिकारीको जिम्मेवारी दियर तोकीयको ब्यक्तिबाट सूचना प्रवाह गराउन आग्रह गरे । सरकारी कार्यालयले सूचनाको हक प्रयोग गर्नुपर्ने बताए । जनताको सूचना पाउने हकबाट बन्चित नगरी सेवा प्रबाह गर्नुपर्ने बताए । घोराही उपमहानगरपालिका नगरप्रमुख नरुलाल चौधरीले स्थानीय तहले जनतालाइ सूचना पाउनबाट बन्चित नगराएको बताए । जिल्ला समन्वय समिति दाङका प्रमुख नित्यानन्द शर्माले सुशासनलाई बलियो बनाउन सूचनाको अहम भुमिका रहेको बताए ।

दाङमा रहेका सरकारी कार्यालयले तीन दिनभित्र सूचना अधिकारी तोकेर काम अगाडि बढाउन आग्रह गरे । प्रेस काउन्सिलका सदस्य शरद अधिकारीले सूचनाको हक पत्रकारलाइ मात्रै चाहिन्छ भन्ने आम नागरिकको बुझाइ छ तर सबै नागरिकले सूचना हक प्रयोग गर्नुपर्ने बताए । नागरिकले मागेको सूचना सबै कार्यालयले समयमा उपलब्ध गराउन आग्रह गरे । पत्रकार महासंघका निबर्तमान अध्यक्ष सबिन पृयासनले नागरिकले सु सुचित हुन पाउने हकबाट कोही पनि बन्चित हुन नहुने बताए । दाङका १० वटै पालिका कार्यालय प्रमुख, सूचना अधिकारी र सरकारी कार्यालयका प्रमुखको सहभागिता रहेको थियोे ।