खोज

बुटवल, १८ माघ । पछिल्लो समय रूपन्देहीका बिभिन्न सिमा नाकाबाट भारतीय माछाको आयात बढेको छ । नेपालमा भन्दा भारतमा माछाको मूल्य न्यून भएका कारण माछाको तस्करी बढेको हो । यसरी भन्सार चोरी तस्करी गरेर नेपाल भित्रीएका भारतीय माछामा लामो समयसम्म नगल्ने नकुहीने बस्तु राखीएकाले यस्ता सामानको प्रयोगले मानिसहरूको स्वास्थ्य नै जोखीममा पर्ने गरेको छ । नेपालमा किसानहरूले ब्यबसायिक रूपमा माछा उत्पादन गरेपनि समय–समयमा नेपाली उत्पादन निरुत्साहित गराउन तस्करहरूले भारतबाट अबैध बाटो हँुदै गुणस्तरहीन माछा नेपाल भित्राउने गरेका छन ।

रूपन्देही नवलपरासी पश्चिम र कपिलबस्तुका बिभिन्न सीमा नाकाबाट साप्ताहिक रूपमा ठूलो मात्रामा माछा नेपाल भित्रीने गरेको स्थानीयले बताएका छन । स्थानीयका अनुसार नेपालमा माछाको माग बढेका बेला भारतबाट ठूलो मात्रामा तस्करी हँुदै माछा भित्रीने गरेको उनीहरूको भनाइ छ । यता इलाका प्रहरी कार्यालय बुटवलले चोरी तस्करी भएर आएको लाखांै मूल्यको ६ क्वीन्टल माछा बरामद गरेको छ ।

बुधबार दिउँसो बुटवलको योगीकुटीमा छड्के चेकजाँच गर्दा दुईवटा माइक्रो बसको पछाडी डिक्टीमा राखेको अवस्थामा माछा फेला परेको इलाका प्रहरी कार्यालय बुटवलले जनाएको छ । रूपन्देहीको बेलहियाबाट बुटवल आउँदै गरेका माईक्रोबसमा मरेको माछा फेला परेकाले चोरी तस्करी भएर आएको हुन सक्ने प्रहरीको भनाई छ । इलाका प्रहरी कार्यालय बुटवलका प्रमुख प्रहरी नायब उपरीक्षक बिजय राज पण्डितले योगीकुटीमा दिउँसो राजमार्गमा २ बटा लु १ ख ९२६८, लु १ ख ९४५७ नम्बरको बस चेकजाँच गर्दा करीब १ लाख ५० हजार बराबरको मरेको माछा फेला परेको बताए । हामीले बसको डिक्टी चेकजाँच गर्दा उक्त माछा फेला पारेको भन्दै प्रमुख पण्डितले भने मरेको माछा पशु क्वारेन्टाईन चेकपोस्ट बेलैयाको रोहबरममा नष्ट गरीएको उनको भनाई छ ।