खोज

दाङ, ९ माघ ।

कार्यसम्पादन मूल्यांकनमा घोराही उपमहानगरपालिका दाङकै उत्कृष्ट बनेको छ । आर्थिक वर्ष २०७९/८० को कार्य सम्पादन मूल्यांकनमा दाङको घोराही उपमहानगरपालिका दाङमा प्रथम र लुम्बिनी प्रदेशमा पाँचौ भएको छ ।

१०० पुणर्ाङ्कको मूल्यांकनमा घोराही उपमहानगरपालिकाले ७८ अंक पाएको प्रमुख प्रशासकिय अधिकृत ऋषीराम केसीले जानकारी दिए ।

उपमहानगरलेले योजना, बजेट तथा कार्यक्रम व्यवस्थापनमा १९.५, कार्यान्वयन क्षमता तथा व्यवस्थापनमा २२, लेखांकन तथा प्रतिवेदनमा १६, अनुगमन, मुल्यांकन तथा लेखापरीक्षणमा ८ र राजस्व व्यवस्थापनमा १२.५ अंक ल्याएको छ ।

यस्तै जिल्लामा बबई गाँउपालीका भने सबै भन्दा कम ६७.५० अङ्क पाएको छ । दाङको तुलसीपुर उपमहानगरपालिका,दंगिशरण गाँउपालिका ,शान्तिनगर गाँउपालिका ,लमही नगरपालिका,राजपुर गाँउपालिका,बंगलाचुली गाँउपालिका,गढवा गाँउपालिका र राजपुर गाँउपालिका सहित ८ वटा पालिकाले कागजात नै पेश गरेका छैनन् ।

सङ्घीय मामिला तथा सामान्य प्रशासन मन्त्रालयको वेबसाइटमा हेर्न सकिने नतिजामा फाराम सार्वजनिक नभएको उल्लेख गरेको छ ।

लुम्बिनी प्रदेशमा पहिलो हुने नवलपरासी पश्चिमको सुनवल नगरपालिकाले ८६ अङ्क प्राप्त गरेको छ भने सवैभन्दा कम अङ्क  रुपन्देहीको सुद्धोधन गाँउपालिकाले ५५.५ प्राप्त गरेको छ । संघीय मामिला तथा सामान्य प्रशासन मन्त्रालयले संस्थागत क्षमता कस्तो छ भनेर प्रत्येक बर्ष मूल्यांकन गर्दै आएको छ ।