खोज

अर्घाखाँची, २७ पुस ।

अर्घाखाँचीको मालारानी गाउँपालिकाले आफ्नो हिउँदे गाउँ सभा सुरू भएको छ । बिहिवारबाट सुरू भएको गाउँसभामा विधेयकहरू पेश गर्ने, कार्यविधि ऐनहरू संसोधन गरी सम्पन्न गर्ने तयारी छ ।

२० दिनपछि सम्पन्न हुने गाउँ सभाले ऐन, नियम, नियमावली र निर्देशिका पारित गर्दै कानुनी बाधा–अड्चनसमेत फुुकाउँने गरि वन ऐन २०७६ को पहिलो संशोधन–२०८० गर्ने तयारी रहेको गाउँपालिका अध्यक्ष दलबहादुर भट्टराईले जानकारी दिए ।

हिउँदे गाउँसभाले गाउँपालिकाका लागि आवश्यक ऐन, कानुन पारित गर्नका लागि अध्ययन गर्न सभा सदस्यहरूलाई दिईएको छ । दफाबार छलफल गरी गाउँसभा सम्पन्न गर्ने तयारी छ ।

गाउँसभामा न्यायिक समितिको प्रतिवेदन पेश भएको छ । विपत पुर्व तयारी तथा प्रतिकार्य योजना बनाउँने, खानेपानी तथा सरसफाइ र स्वच्छता सम्बन्धमा विधेयक–२०८० जारी गर्ने, आर्थिक ऐन–२०८० मा छुटेका करका शीर्षक संशोधन गर्ने तयारी गाउँपालिकाको छ । उपभोक्ता समिति संस्था दर्ता, तमसुकहरू प्रााणित गर्ने सम्बन्धमा करको दर छुटेको छ, त्यो समेट्ने तयारी छ ।

जिल्लाका अन्य पालिका मध्ये छत्रदेवले पनि गाउँसभा सम्पन्न गरेको छ । पाणिनी, शितगंगा, सन्धिखर्कले हिउँदे सभा गरेका छैनन् । भूमिकास्थान नगरपालिकाले पुस १२ गते नै हिउँदे गाउँसभा सम्पन्न गरेको छ ।