खोज

बुटवल, २४ पुस । युवा खेलाडीहरुलाई प्लेटफर्म दिने र खेलमार्फत भातृत्व विकास गर्ने उद्येश्यका साथ आयोजना हुदै गएको आशिष कप ब्याडमिन्टन प्रतियोगिताको तेस्रो संस्करण पुसको अन्तिम सातामा हुने भएको छ । आशिष स्टेशनरीको मुख्य प्रायोजन र लायन्स क्लब अफ बुटवल स्टारको सहकार्यमा हुने पुसको २७ र २८ गते तेस्रो लुम्बिनी प्रदेश स्तरिय आशिष कप ब्याडमिन्टन प्रतियोगिता २०८० हुने भएको हो ।

मंगलबार पत्रकार सम्मेलन गरि आशिष स्र्पोटसका संचालक आयुषकृष्ण श्रेष्ठले तेस्रो संस्करणमा प्रदेशस्तरको मेन्स सिगल, मेन्स डबल्स र भेट्रान्स ४५ वर्ष माथि गरि ३ ईभेन्टमा प्रतियोगिता हुने बताए । प्रतियोगितालाई ब्यवस्थित गर्ने लक्ष्यसहित यसपटक केन्द्रबाट नै वरिष्ठ एम्पायर उदय अर्यालसहितको टिम ल्याएर खेल खेलाउने उनले बताए । युवा खेलाडीहरुलाई मुख्य लक्षित गरिएको प्रतियोगितामा सिगल ईभेन्टमा लुम्बिनी प्रदेशका सबै स्तरका खेलाडी र डबल्समा भने युवा खेलाडीहरुलाई जोड दिएको उनले बताए । प्रतियोगितामा धेरै खेलाडी सहभागी हुने टिमलाई खेलकुद सामग्री तथा बाहिरी जिल्लाका पहिलो २० जना खेलाडीहरुलाई आवासको सुविधा दिने उनले बताए ।

कार्यक्रममा एम्पायर अर्जुन कार्किले मेन्स सिगलमा प्रथम टिमले १५ हजार, द्घितिय ८ हजार र तृतिय टिमलाई ५ हजार रुपैया, कप, मेडल, प्रमाणपत्रबाट पुरस्कृत गरिने बताए । यसैगरि मेन्स डबल्सको प्रथम टिमले ३५ हजार, द्घितियले २० हजार र तृतिय टिमले १६ हजार रुपैया कप, मेडल, प्रमाणपत्रबाट पुरस्कृत गरिने भने भेट्रान्स ४५ वर्ष माथिको प्रथम टिमले २० हजार, द्घितिय १५ हजार र तृतिय टिमलाई १० हजार, कप, मेडल, प्रमाणपत्रबाट पुरस्कृत गरिने उनले बताए । यसैगरि प्रतियोगिताको बेस्ट, पाच जना राइजिङ, उत्कृष्ट भेट्रान्स, उत्कृष्ट युवा खेलाडीलाई पुरस्कृत गरिने उनले बताए । टप आठमा पुग्ने खेलाडीलाई खेल सामग्रीबाट पुरस्कृत गरिने ब्यवस्था गरिएको उनले बताए ।
कार्यक्रम संयोजक राम बहादुर शाहीले तिलोत्तमा नगरपालिकास्थित फिट एण्ड फाईन ब्याडमिन्टन कोर्टमा हुने प्रतियोगितामा भेट्रान्स ३२, मेन्स सिगल १६ टिम, मेन्स डबल्समा सय बढि टिम सहभागी हुने बताए ।

कार्यक्रममा लायन्स डिष्ट्रिक एलसिआईएफ कोअर्डिनेटर सन्दिप कशौधनले विगत दुई संस्करणमा उत्कृष्ट आयोजना गरेको प्रतियोगितालाई आगामी दिनमा परिस्कृत गरिने बताए ।

युवा खेलाडीहरुलाई प्रोत्साहन गर्ने लक्ष्यसहित विद्यालयस्तरका प्रतियोगितालाई जोड दिने उनले बताए । कार्यक्रममा लायन्स क्लब अफ बुटवल स्टार्सका अध्यक्ष रिन्कु लिगलले सामाजिक क्षेत्रमा पहिचान बनाएको क्लब खेल क्षेत्रमा समेत अग्रसर रहेको बताए । दुई दिनसम्म चल्ने प्रतियोगितामा साढे ६ लाख रुपैया खर्च हुने अनुमान रहेको छ ।