खोज

डा.टोनीनादर मेडिकल डाक्टर, न्यूरोसाइन्टिस्ट र पश्चिम जगत्का महान् वैदिक विद्वान्मध्येका एक हुनुहुन्छ । उहाँले अमेरिकन युनिभर्सिटी अफ बेरुतमा आन्तरिक चिकित्सा र मनोचिकित्साको गहिरो अध्ययन र अनुसन्धानपछि त्यही अमेरिकन विश्वविद्यालयबाटै एमडी गर्नुभएको हो । त्यसपछि म्यासाच्युसेटस इन्स्टिच्यूट या टेक्नोलोजी अमेरिकाबाटबाट मस्तिष्क र संज्ञानात्मक विज्ञानमा विद्यावारिधी गरेपछि त्यही संस्थाको क्लिनिकल रिसर्च सेन्टरको आगन्तुक फिजिसियन एवं सहायक निर्देशक भएर पनि काम गर्नुभयो । महर्षि महेश योगीको सान्निध्यता पछि उहाँलाई विशेषगरेर महर्षि एवं अरु वैदिक विद्वान्हरूले पनि आयुर्वेद र वैदिक ज्ञानका विभिन्न क्षेत्रमा प्रशिक्षित गराउनुभयो । आधुनिक चिकित्सा एवं वैदिक चिकित्सा पद्धतिबाट शरीर विज्ञानको गहिरो वैज्ञानिक अध्ययन अनुसन्धान पछि उहाँले मानव शरीर–विज्ञान त वेद र वैदिक साहित्यको अभिव्यक्ति रहेछ भन्ने अकाट्य निष्कर्ष निकाल्नुभयो । HUMAN PHYSIOLOGY -Expression या Veda and Vedic Literature, RAMAYANA in Human Physiology लगायतका अति नै महत्वपूर्ण पुस्तकहरू उहाँका अकाट्य निष्कर्षका प्रमाणका रुपमा विद्वानहरूबाट सधै पुजित छन् ।

महर्षिको सत्सङ्कल्पबाट विश्व कल्याणका लागि गठन गरिएको Country या World Piece  मा महर्षिबाटै महाराजाअधिराज राजारामको उपाधिबाट विभूषित भई उहाँकै उत्तराधिकारीको रुपमा सम्पूर्ण क्षेत्रको सुधारकालागि Dr. Tony Nader ले भावातीत ध्यान, वैदिक यज्ञ, वैदिक कृषि, महर्षि वास्तु आदि विभिन्न कार्यक्रम र यसको व्यावहारिक उपयोगिताको बारेमा (PhD Physics in Harvard University), Dr. Eike Hartmann, Dr. Neil  Patterson, Dr. Jose LuisAlvarez Roset, Dr. John Fagan, Dr. Kingsley–Leslie Brooks, Dr. N Crowall, Dr. Leslie Brooks  आदि संसारकै गन्यमान्य वैज्ञानिक र अनुसन्धाताहरूलाई साथमा लिएर मार्गदर्शन गर्नुहुन्छ ।
यस किसिमको असाधारण काम गरेवापत महर्षिले 1998 मा Maharishi Vedic University, Vlodrop,ज्याबिलममा आदरणीय नादरकै तौल बराबरको सुन (जुन नोबेल पुरस्कारको रकम भन्दाकति बढी हो आफै अनुमान गरौँ) पुरस्कारको रुपमा दिनुभएको थियो । जुन पुरस्कार डा. नादरले महर्षिकै निर्देशनमा वैदिक विज्ञान, विश्वशान्ति र कल्याणका लागि सञ्चालन भइरहेका संस्थाहरूलाई दान दिनुभएर आफ्नो उदारमनाको परिचय पनि दिनुभयो ।

पौरस्त्य समाजका महान् वैज्ञानिक भास्कराचार्यले आफ्नो पुस्तक सिद्धान्त शिरोमणिमा ‘तुष्यन्तु सुजना बुद्ध्वाविशेषान् मदुदीरितान् । अबोधेन हसन्तो मां तोषमेष्यन्तिदुर्जनाः ।।’ अर्थात् उनले लेखेको सिद्धान्तशिरोमणि नामको ग्रन्थको गुह्य कुरो बुझेर विद्वान्जनहरू सन्तुष्ट हुनेछन् भने अल्पज्ञहरू पनि त्यसमा लेखेको गुह्य कुरो नबुझेर उनलाई हाँसोमा उडाएर खुशी हुनेछन् भनेझैँ अति आदरणीय व्यक्ति डा.टोनीनादरले लेखेका कुराको बुझेर वा नबुझेर दुबै प्रकारका व्यक्तिहरू खुशी हुनेछन् । भगवान् श्रीकृष्णको विराटरुप त कौरब सभामा दुर्योधनले पनि देखेको थियो तर के गर्ने उसले उनको विराट रुपको दर्शन पाएर पनि गोठालाको मायावी रुप भनेर आफ्नो जीवन वर्वाद पा¥यो । त्यसैले यी विद्वानबाट लेखिएका यी पुस्तकको अध्ययन गरेर हामी सबैले आफूलाई चिन्ने कोसिस गरौँ ।

यसै सिलसिलामा जगद्गुरु शंकराचार्य ब्रह्मानन्द सरस्वतीबाट दीक्षित महर्षि महेष योगीबाट जीवनका हरेक पाटामा सफल गराउने, जीवनमा परमानन्दको अनुभूति दिलाउने वेदान्त स्वरुप भावातीत ध्यान जसलाई आधुनिक वैज्ञानिकहरूको शोधबाट पनि ध्यानको सर्वोत्तम वैज्ञानिक विधि भनेर प्रमाणित गरिएको छ, त्यसको अभ्यास एवं हाम्रो वैदिक आचरणको नियमबाट यो छोटो जीवनमै परमात्माको अनुभूति गरी जीवनलाई सार्थक तुल्याउनका लागि ध्यानका माध्यमले विश्वमा शान्ति ल्याउनका लागि भारतको हैदराबादमा महाराजाको नेतृत्वमा विश्वका १३९ राष्ट्रका ध्यानीहरूले ध्यान गरिरहेका छन् । ध्यानको प्रभाव रसिया र इजरायलमा देखिसकिएको छ । नेपालबाट पनि नेपाल महर्षि फाउन्डेसनका अध्यक्ष आदरणीय दिपकप्रकाश बासकोटाको अभिभावकत्वमा ३०० भन्दा बढी ध्यानीहरूले यो अभूतपूर्व वैदिक महायज्ञमा भाग लिइरहेका छन् । विश्वका गन्यमान्य वैज्ञानिक, प्राध्यापक आदिहरूको सहभागिता रहेको यस ध्यान महायज्ञको प्रशंसा गर्न शब्दहरू कमै हुनेछन् । यस किसिमका वैदिक महाराजा जसले वेद र रामायण भित्र मानव शरीरको संरचना देखेर भौतिक विज्ञानका माध्यमले प्रमाणित गरेर देखाउनु भयो त्यस्ताम हाराजाको आज परेको जन्मदिनको उपलक्ष्यमा हार्दिक मंगलमय शुभकामना । जीवन्तु शरदःशतम् ।