© २०२३
७ मंसिर २०८१, शुक्रबार
७ मंसिर २०८१, शुक्रबार
पाल्पा, २० पुस। तानसेनमा जारी प्रथम मेयरकप क्रिकेट प्रतियोगीताको उपाधी वार्ड नम्बर १ ‘ए’ ले जितेको छ । आज भएको फाइनल खेलमा वार्ड नम्बर १ ‘ए’ले वार्ड नम्बर ९ लाई ८ बिकेटले पराजित गर्दै उपाधी जितेको हो । जितसंगै वार्ड नम्बर १ ‘ए‘ ले नगद ६० हजार, ट्रफी प्राप्त गरेको छ । उपविजेता वार्ड नम्बर ९ भने ३० हजार रुपैयामा चित्त बुझायो ।
फाइनल खेलमा ब्याटिङ्ग गरेको वार्ड नम्बर ९ ले निधारित २० ओभरको खेलमा १९.४ ओभरमा सबै बिकेट गुमाउदै ८१ रन मात्र बनाएको थियो । उसका लागि गोपाल तिमिल्सेनाले २४ रन र भुवन पाण्डेले १८ रनको योगदान गरे । वार्ड नम्बर १ ‘ए‘ का अर्पन अर्याल र रुपेश बस्यालले समान ३/३ विकेट लिए । कम स्कोरलाई पछ्याएको वार्ड नम्बर १ ‘ए’ ले १५.४ ओभरमा २ बिकेटको नोक्सानीमा जित हात पारेको हो ।
वार्ड नम्बर १ ‘ए‘ ले सुरुवात राम्रो गर्न सकेन । रुपेश बस्याल र बिशाल दर्नालले उत्कृष्ट साझेदारी गर्दै टिमलाई बिजयी बनाए । रुपेशले नटआउट ३१ रन र बिशालले नटआउट ४३ रनको योगदान दिए । वार्ड नम्बर ९ का भुवन पाण्डे २ विकेट प्राप्त गरे । फाइनल खेलका म्यान अफ द म्याच वार्ड नम्बर १ ‘ए‘ का बिशाल दर्नाल भएको नगर खेलकुद बिकास समितिका संयोजक हेमन्तराज शाक्यले जानकारी दिए ।
© २०२३
सर्वाधिकार सुरक्षित
Design & Developed By:
