खोज

बुटवल, १८ पुस । ब्याडमिन्टन खेल सबै उमेर समूहले खेल्ने र बढी रुचाईएको खेलमा पर्दछ । सामान्यतया दुई जनामात्र खेलाडी भए खेल्न सकिने र सानो कोर्टमा खेलियो यो खेल नेपालका हरेक कुनाकाप्चामा खेलिन्छ । विभिन्न उमेर समूहमा ब्यक्तिगत र जोडी विधामा खेलिने ब्याडमिन्टन कम खर्चिलो खेलमा पर्दछ । सामान्यतया १३.२० मिटर बाई ६.१० मिटरको कोर्टमा यो खेल खेल्ने गरिन्छ । ब्याडमिन्टन खेलको लोकप्रियताकै कारण यसको पुर्वाधार देशभरकै निमार्ण तिब्र छ । लुम्बिनी प्रदेशमा यो खेलको पूर्वाधार सबैभन्दा धेरै निमार्ण भएको प्रदेश खेलकुद परिषद लुम्बिनीका सदस्यसचिव जयप्रकाश भट्टराईको दाबी छ । अझ त्यसमा पनि रूपन्देहीमा धेरै कोर्ट भएको जिल्लामा चिनिने उनले बताए । ‘खेलकुद विकासको आधारमध्येको एक पुर्वाधार विकास भएको छ ।’— उनले थपे—‘अब ग्रासरुट खेलमा जोड दिन जरुरी छ ।’ ग्रासरुट खेल विकास भएमात्र खेलकुद अगाडि बढ्ने भन्दै उनले यसमा जोड दिएको उनले बताए ।

मानव संसाधनका हिसाबमा यो प्रदेश कमजोर रहेको भन्दै आफुले ओएनएम मार्फत काम अघि बढाएको बताए । नया खेलाडी उत्पादनका लागि खेलकुद गतिविधि र दक्ष जनशक्ति आवश्यक हुने भन्दै प्रत्येक जिल्लामा खेल प्रशिक्षक प्रदान गर्ने योजना बनाएको उनले बताए । प्रदेशमा हुने अधिकास खेल गतिविधिहरू सो खेलका सरोकारवाला निकाय र खेल नियम विपरित खेलाउने गरिएको प्रति आपत्ति ब्यक्त गर्दै उनले प्राविधिक विषयमा बुझेर खेल खेलाउन सुझाव दिए । प्रदेशको ऐन र नियमावली अनुसार जाँदा मात्र खेल विकास हुने उनको दाबी छ । विश्व ब्याडमिन्टन फेडेरेसन र नेशनल ब्याडमिन्टन फेडेरेसनको नियममा रहेर यो खेल खेलाउनुपर्ने उनले सुझाव दिए । फेडेरेसनबाट मान्यता प्राप्त सर्टिफाई रेफ्रिबाट खेलाउन उनले सुझाव दिए । प्रदेश खेलकुद परिषद लुम्बिनी प्रवद्र्धक रहेको प्रतियोगितामा सहयोग गर्ने प्रतिवद्धता समेत जनाए ।

ब्याडमिन्टल खेलका राष्ट्रिय एम्पायर प्रमोद सिह पहारी पछिल्लोसमय ब्याडमिन्टन खेलमा विकृति भित्रिएको गुनासो गर्छन । विश्वभरमा नै उमेर समुहको खेलका रूपमा परिचित यो खेल केही क्लबहरू भने आफनो नियम लादेर खेलाएको उनले दुखेसो गरे । खेलको मुल नियम र मर्म अनुसार खेल खेलाउनुपर्ने उनको तर्क छ । रूपन्देहीमा विभिन्न लेभल नाम दिएर खेल खेलाउन नहुने उनले सुझाव दिए । ‘ब्याडमिन्टन खेलमा लेभलभन्दा पनि उमेर समुहमा मात्र खेलाईने गरिन्छ ।’— उनले भने । विश्वभर नै चलेको ब्याडमिन्टन खेलको नियममा जुनियर, सिनियर र मास्टर्स मुख्य हुने उनले बताए । सामान्यतया विद्यालयस्तरमा खेलाईने यो खेल यु—९ बाट शुरु भएर यु–१६ समुह (सव जुनियर), यु–१९ (जुनियर), यु–२१ सम्म खेलाईन्छ । यसैगरि सिनियरका साथै भेट्रान्समा ४५ प्लस, ५५ प्लस (मास्टर्स) समूह हुन्छ । विशेष गरि विधागत हेर्दा ब्याडमिन्टन खेलमा ब्यायज (सिगल/डबल्स), गल्र्स (सिगल/डबल्स), मिक्स डबल्स (ब्यायज/गल्र्स), मेन्स (सिगल/डबल्स), वुमन्स (सिगल/डबल्स), मिक्स डबल्स (मेन्स/बुमक्स), मास्टर्स ४५ प्लस, ५५ प्लसमा यो खेलाईन्छ । यसैगरि सबै ईभेन्टहरू खेलाउदा कम्तीमा ३ वटा कोर्ट भएको खण्डमा प्रतियोगिता ५ दिनसम्म चल्ने प्रावधान रहेको छ ।

ब्याडमिन्टन खेलमा नया खेलाडीहरूलाई अवसर दिने गरि न्यु लुम्बिनी ब्याडमिन्टन क्लबको आयोजनामा पुस २०–२१ गते (दुई दिने) बुटवलमा प्रदेश स्तरिय प्रथम खुला मेयर कप ब्याडमिन्टन प्रतियोगिता २०८० गर्न लागेको क्लबका अध्यक्ष बोनिन पियाले बताए । आफुहरूले यो खेलमा देखिएको बिकृति हटाउने गरि प्रतियोगिता आयोजना गरेको उनको दाबी छ । यसपटक प्रतियोगितामा प्रदेशभित्रका खेलाडी खेल्न पाउने ब्यवस्था गरिएको उनले बताए । यसैगरि भेट्रान्सतर्फ ४५ प्लस खेल्ने र नेपालको राष्ट्रिय रेकिङका १६ जना खेलाडीहरूले भाग लिने उनले बताए ।