खोज

बुटवल, १३ पुस । अर्घाखाँची हंसपुरकी रिता बिक सानैदेखि नाँचगान र खेलकुदमा चासो दिन्थिन् । उनले गाउँकै सिद्धार्थ माबिबाट विद्यालयस्तरको अध्ययन पूरा गरिन । भारतमा जागिर बुबासँगै उनी एसईईपछि परिवारसंगै बुटवल झरे । परिवारमा एक दिदी, एकजना दाईका कान्छी उनी सानैदेखि खेलकुदमा हुरुक्क हुन्थिन । प्राविधिक क्षेत्रमा चासो लिएकी उनि रम्भादेवी टेक्निकल कलेजमा ल्याब एसिस्टेन्ट अध्ययनरत गरेकी छिन । जितगढी घरभएकी उनि पछिल्लो डेढ वर्षदेखि पावर लिफ्टिङमा आर्कषित भईन । शारीरिक बनावटकै कारण उनि यो खेलमा बढी चासो दिईन । करीब ५.५ फिट उचाईकी उनि एक्टिभ प्लस जिममा डेढ वर्षदेखि नियमित ब्यायाम गर्दैछिन । शुरुवातमा शरीरको तौल घटाउन जिम शुरु गरेकी बताईन ।

बुटवलका बिभिन्न खेल प्रतियोगिता हुँदै सेलेक्सन भएका उनी नेपालगंजमा उत्कृष्ट भईन । उनै बिक अहिले हैदराबादमा सम्पन्न १० औं विश्व स्ट्रेन्थ लिफ्टिङ्ग एण्ड आई.बि.पि.च्याम्पियनसिप २०२३ मा आफनो तौल समूहमा विश्व च्याम्पियनसहित वर्ड रेकर्ड गरिन । खेलाडीकै रूपमा स्थानियस्तर हँुदै विश्वस्तरको प्रतियोगितामा च्याम्पियन बनेकी छिन । भारतको हैदरावादमा भएको उनले ५७ केजी तौल समूहमा १७० केजी तौल उठाएर नयाँ रेकर्ड कायम गरिन । यसअघि नवौ च्याम्पियनसिपको १४५ केजी तौलको विश्व रेकर्ड रहेको थियो ।

ढवाहा निवासी दिलिप थापा सानैदेखि खेलकुदमा रुचि राख्थे । खेलमा रुचि भएपनि परिवारबाट भने यसमा सहयोग पाएका थिएनन । उनको खेलकुदको शोख भने उनले अहिले पुरा गरे । बक्सिङमा चाख भएका उनी पढाइमा एभरेज थिए । घर परिवारमा निक्कै आग्रहपछि उनी जिम जाने स्वीकृति पाए । डेढ वर्षदेखि एक्टिभ फिटनेशमा जिम गर्ने उनी लिफ्टिङमा राम्रो गरे । यसैलाई जोड दिएका उनी छोटोसमयमा नै सफलता हासिल गरे । खर्चिलो खेल अगाडि बढाउन निक्कै कठिन भएको उनी बताउँछन । नवरत्न माबि कक्षा १२ मा ब्यवस्थापन विषयमा अध्ययरत उनको खेल क्षेत्रको मेहनतले सफलता हासिल गर्यो ।

सप्लिमेन्ट्रि बिना नै उनी खेल खेलेको बताउँछन । भारतको हैदरावादमा सम्पन्न १० औं विश्व स्ट्रेन्थ लिफ्टिङ्ग एण्ड आई.बि.पि.च्याम्पियनसिप २०२३ मा १८ वर्षका उनी आफनो ५९ तौल समूहमा विश्व रेकर्ड कायम गरेका छन । उनले २०५ केजी उठाएका हुन । नवौको बनेको विश्व रेकर्ड उनले ब्रेक गरे । भारतको हैदरावादमा भएको १० औं विश्व स्ट्रेन्थ लिफ्टिङ्ग एण्ड आई.बि.पि.च्याम्पियनसिप २०२३ मा नेपाल दोस्रो भएको छ ।
नेपालका खेलाडीहरूले १६ स्वर्ण, १४ रजत र ४ कास्य पदक जित्दै दोस्रो भएको हो । पुष २ देखि ५ गतेसम्म संचालन भएको प्रतियोगितामा नेपालका २५ जना खेलाडीहरू भाग लिएका थिए ।

यसैबीच प्रदेश खेलकुद परिषद लुम्बिनी र बुटवल उपमहानगरपालिकाले खेलाडीहरूलाई सम्मान गरेको छ । खेल क्षेत्रबाट बुटवलको गरिमा बढाएका खेलाडीहरूलाई सम्मानलाई विशेष जोड दिँदै ब्यवसायिक बनाउने गरि पहल गर्ने बुटवल उपमहानगरपालिकाका नगरप्रमुख खेलराज पाण्डेयले बताए । नवरत्न सेकेण्डरी स्कुलका प्रअ हेमराज आचार्यले विद्यालयमा शैक्षिक र खेलकुद गतिविधिलाई जोड दिँदै आउँदा प्रतिफल पाउन सफल भएको बताए । हाल विद्यालयमा १५ सय विद्यार्थीहरू अध्ययनरत छन ।