खोज

बुटवल, ९ पुस । रुपन्देही टेबलटेनिस संघको अठारौ वार्षिक साधारण सभा तथा चौथो अधिवेसनबाट नर बहादुर क्षेत्री (एनबी)को अध्यक्षतामा सर्वसम्मत ११ सदस्यीय नया नेतृत्व चयन भएको छ । जसको उपाध्यक्ष महेश खनाल, उपाध्यक्ष दिप्पल लिगल, सचिव रमेश न्यौपाने, कोषाध्यक्ष गिता अर्याल, सदस्य अजित श्रेष्ठ, उमेश श्रेष्ठ, सुबिन प्रसाद थान्जु श्रेष्ठ, तिलक अधिकारी, शिव पुन, प्रज्वल श्रेष्ठ सर्वम्मत चयन भएका छन ।

सोमबार एक समारोहका बिच अधिवेसनको रुपन्देही जिल्ला खेलकुद विकास समितिका कार्यालय सचिव राजेन्द्र श्रेष्ठले उद्घाटन गर्दै रुपन्देही हरेक खेलमा उर्वरभुमी भएको दाबी गरे । नेपालमा अधिकास विद्यालयहरुमा खेलिने टेबलटेनिस खेलको लोकप्रियतासंगै धेरै खेलाडीहरु उत्पादन हुदै आएको उनले बताए । सानो स्थान र थोरै लागत लाग्ने हुदा पनि यो खेलप्रति खेलाडीहरुको आर्कषण बढी रहेको उनले बताए । रुपन्देहीमा टेबलटेनिस खेलका दक्ष प्राविधिकहरु र खेलाडी हुदा नया उत्पादनमा समेत बल पुगेको उनले बताए ।

कार्यक्रममा संस्थाको सागठनिक र आर्थिक प्रगति पेश गर्दै अध्यक्ष सुरेन्द्र शाक्यले यस क्षेत्रमा हुने विद्यालयस्तरका धेरै प्रतियोगिता र नियमित अभ्यासका कारण युवा खेलाडी उत्पादनको लागि सहयोग मिलेको बताए । यो खेलको प्राविधिक र खेलाडीहरुलाई एकजुट बनाएर संस्थागत रुपमा आफुहरु अघि बढ्न सफल भएको उनले बताए ।

कार्यक्रममा संघका केन्द्रिय उपाध्यक्ष महेन्द्र लिगलले नेपालको राष्ट्रिय खेलाडी उत्पादनमा विगतदेखि वर्तमानसम्म रुपन्देहीको गर्विलो ईतिहास रहेको भन्दै यसलाई निरन्तरता दिने गरि सरकारी लगानीको खाचो औल्याए ।

कार्यक्रममा संस्थापक अध्यक्ष कृष्ण कुमार श्रेष्ठले टेबलटेनिस खेललाई विद्यालयस्तरमा सिमित गर्न नहुने भन्दै युवा खेलाडीहरुलाई प्लेटफर्म दिने गरि कार्यक्रमहरु गर्नुपर्ने बताए । यसैबिच टेबलटेनिस विकासको लागि अक्षयकोष स्थापना गर्न संघका प्रमुख सल्लाहकार अर्जुन मान सैंजु र अध्यक्ष सुरेन्द्र शाक्यबाट ५०÷५० हजार रुपैया प्रदान गर्ने घोषणा समेत गरेका छन ।