खोज

बुटवल, ४ पुस । तेस्रो जिल्ला स्तरिय कालिका रनिङसिल्ड प्रतियोगिता २०८० को चौथो दिनको खेलमा कालिका मानव ज्ञान माबिले आठ स्वर्ण जितेको छ । कालिका मानव ज्ञान माध्यामिक विद्यालयको ६३ औ वार्षिकोत्सब तथा अभिभावक दिवसको अवसरमा आयोजित खेल सप्ताहमा आयोजक तालिकाको शिर्षस्थानमा रहेको छ । यसैगरि कुवरवर्ती ३ स्वर्ण जित्दै दोस्रो स्थानमा रहेको छ ।
बुधबार भएको एथलेटिक्सतर्फ १५०० मि छात्रमा कालिका मानव ज्ञानका सलामुद्दीन अन्सारीले प्रथम भएका छन । मैनैया माबिका सुचिन कुर्मी द्वितीय तथा गार्गी ई बि एसका इन्तियज अहमद तृतीय भए ।
यसैगरि १५०० मि छात्रा तर्फ कालिका मानवज्ञान माविका रक्षा श्रीष प्रथम भईन । पशुपति मा.वि.का चाँदनी पासी द्वितीय तथा कुवरवर्ति इ.बो.की चन्द्रकला कुँवर तृतीय भईन । यसैगरि लङजम्प छात्र तर्फ कालिका मानवज्ञान माविका इश्जोक हरिजन प्रथम भए ।
सिद्धार्थ इ बोर्डिङ स्कुलका विवेक रौनियार द्वितीय तथा न्यु होराइजनका संगम समारा मगर तृतीय भए । लङजम्प छात्रा तर्फ कुवरवर्ति इ. बो.का रजनी थारु प्रथम भईन । कालिका मानवज्ञान मा विका अन्जना थारु द्वितीय तथा रामापुर माविका पवित्रा बि.क तृतीय भईन ।

यसैगरि तेक्वान्दो छात्र प्रतियोगितामा ४८ केजी तौल समुहमा जनज्योति माविका गगन परियार प्रथम भए । यसैगरि ईडन ई बोस्कुलका अर्जुन मगर द्वितीय तथा कालिका मानवज्ञान माविका रमेश बि.क र दीप बोर्डिंङ स्कुलका युबराज बि.क. तृतीय भईन ।
यसैगरि ५१ केजी तौल समुहमा कालिका मानवज्ञान माविका प्रकाश खासु प्रथम भए । जनज्योति माविका देवराज थापा द्वितीय तथा दीप बोर्डिंङ अमन श्रेष्ठ तृतीय भए । यसैगरि ५४ केजी तौल कालिका मानवज्ञान माविका बरुण रोका मगर प्रथम भए । खेलमा ईडन ईबोर्डिङ स्कुलका कमल थापा द्वितीय तथा मणिमुकुन्द मावि सिद्धार्थ श्रेष्ठ, नयाँ गाउँ माविका अरुण बि.क तृतीय भए ।

तेक्वान्दो छात्रा तर्फको खेलमा ४२ केजी तौल समुहमा कान्ति माविका अनुष्का तामाङ प्रथम भईन । खेलमा गार्गी ई बोर्डिङ स्टीला बिष्ट द्वितीय तथा ईडन ई बोर्डिङ स्कुलका खुम माया घर्ति र कालिका मानवज्ञान माविकी भूमिका आले तृतीय भईन । यसैगरि ४४ केजी तौल समुहमा अन्नपूर्ण माविकी रोशनी तामाङ प्रथम भईन । दीप बोर्डिंङ स्कुलकी नेहा आले द्वितीय तथा कालिका मानवज्ञान माविकी सुहाना बस्नेत तृतीय भईन । यसैगरि ४६ केजी तौल समुहमा कालिका मानवज्ञान माविकी रुपा बुढाथोकी प्रथम भईन । खेलमा अन्नपूर्ण माविकी अन्जना नेपाली द्वितीय तथा ईडन ई बोर्डिङ स्कुलकी रोशन थापा र दीप बोर्डिंङ स्कुलकी अनुष्का गुरुङ तृतीय भईन ।

प्रतियोगितामा भलिबल, कबड्डी, एथलेटिक्स, रिले, तेक्वान्दो (छात्र÷छात्रा) पाच विधामा ३२ स्वर्ण, ३२ रजत र ३२ कास्य गरि कुल ९६ वटा पदकको लागि प्रतिस्पर्धा हुने विद्यालयका खेल संयोजक हरिश ओलीले बताए । प्रतियोगिताको विजेताले नगद ५० हजार रुपैया शिल्ड, प्रमाणपत्र, मेडल, प्रमाणपत्रबाट पुरस्कृत गरिने उनले बताए । यसैगरि द्घितिय टिमले ३० हजार, तृतिय टिमले नगद २० हजार रुपैया, शिल्ड, प्रमाणपत्र, मेडल, प्रमाणपत्रबाट पुरस्कृत गरिने छ । प्रतियोगितामा जिल्ला भरिका सामुदायिक र संस्थागत गरि २९ विद्यालयका ८ सय बढि विद्यार्थीहरुले खेलमा प्रतिस्पर्धा गर्ने छन । गतवर्ष कुवरवर्ति विजेता रहेको थियो ।