© २०२३
२८ भाद्र २०८१, शुक्रबार
२८ भाद्र २०८१, शुक्रबार
बुटवल, २५ कार्तिक । बाग्लुङ जिल्लाको दगाटुन्डाडामा नाचिने सास्कृतिक सोरठी नाच रुपन्देहीमा प्रदर्शन गरिएको छ । दगा—टुन्डाडा रुपन्देही सम्पर्क समाजको आयोजनामा कलासंस्कृतिको प्रचारप्रसार र जगेर्ना गर्ने उदेश्यका साथ सोरठी नाच बुटवलमा शुक्रबार राती प्रदर्शन गरिएको हो ।
‘बाग्लुङ बढिघाट क्षेत्रमा यो नाच धेरै देखाईन्छ ।’— समाजका सल्लाहकार बेल बहादुर सलामीले बताए । पहाडबाट बसाई सराई गरेर तराई झरेका समुदायहरु समाज गठन गरि परम्परागत संस्कार, संस्कृतिलाई नया पुस्तालाई पुस्तान्तरण गर्ने गरि काम अघि बढाएको उनले बताए । बाग्लुङबाट १४ जना कलाकारहरुको नेतृत्व ८२ वर्षिय दुर्गा बहादुर भुजेलले गरेका छन । हरमोनियम, मादल बाजासंगै लयबद्घ तरिकाले सिता, राम, गोपिनीहरुको कथालाई विभिन्न तालमा नाचिन्छ । जसमा झुमरा, ठुली, मारुनि मुख्य हुन ।
समाजका कोषाध्यक्ष बेल बहादुर थापाले समाजमा एकतावद्ध भई कला संस्कृति जगेर्नाका साथै सामाजिक गतिविधिहरुमा अग्रसर रहदै आएको बताए । यो वर्ष कलाकारहरु रुपन्देहीका विभिन्न स्थानमा ३ दिनसम्म नाच देखाउने लक्ष्य रहेको बताए । पहिलो देविनगरस्थित एमाले चोकमा रहेको छ । दोस्रो दिन गजेडीबाट रानिबगियामा र तेस्रो दिन सखुवानीबाट बुटवलसम्म विभिन्न चोकहरुमा नाच देखाईने छ । संकलन भएको आर्थिक सहयोगबाट तिलोत्तमा नगरपालिकास्थित बनबाटिकामा जेष्ठ नागरिक केन्द्र तथा वृद्धाश्रम बनाउने लक्ष्य रहेको उनले बताए । बिस २०७९ मा स्थापना भएको समाजमा रुपन्देहीमा १४६ जना घरधुरी सदस्यहरु छन ।
© २०२३
सर्वाधिकार सुरक्षित
Design & Developed By:
