खोज

बुटवल, २३ कार्तिक । नेपाली सेनाको सागठनिक स्वरुप, जिम्मेवारी र भुमिका लगायतका बिषयमा रक्षा सम्बद्ध संचारकर्मीहरुलाई जानकारी दिने उदेश्यका साथ काठमाण्डौमा पाच दिने रक्षा संवाददाता अभिमुखिकरण कार्यक्रम सम्पन्न भएको छ । एक समारोहका बिच विहिबार नेपाली सेनाका बलाध्यक्ष रथी सिताराम खड्काले तालिममा सहभागी विभिन्न संचारगृहका संचारकर्मीहरुलाई प्रमाणपत्र वितरण गरेका छन ।

समापन कार्यक्रमलाई सम्बोधन गर्दै बलाध्यक्ष रथी खड्काले यस किसिमको कार्यक्रमबाट राष्ट्रिय सुरक्षा, जनहितको रक्षा, विकास निमार्ण, प्रकृति संरक्षण, विश्वशान्ति प्रवद्र्धन जस्ता अति नै संवेदशिल संविधान प्रदत्त जिम्मेवारीहरुको सम्बन्धमा नेपाली सेनाबाट भएका योगदानको विषयमा यथार्थपरक सुचना सम्प्रेषण गर्ने संचारकर्मीहरुलाई समाचार संकलन तथा सम्प्रेषणमा सहजता, स्पष्टता एवं शीघ्रता प्राप्त हुने विश्वास गरे ।

संचार माध्यममार्फत कुनै पनि विषयबस्तुमा सम्प्रेषण हुने सुचनाबाट आम मानिसको त्यसप्रतिको धारणामा प्रभाव पार्ने हुदा निस्वार्थ भावका साथ सेवामा समर्पित राष्ट्र सेवकहरुको सन्दर्भमा समाचार सम्प्रेषण गर्दा संवेदशिलता आवश्यकताका बारेमा उल्लेख गरे ।

अभिमुखीकरण कार्यक्रममा सहभागीहरुलाई नेपाली सेनाका विभिन्न निकायहरुको काम, .कर्तब्य र जिम्मेवारीहरुका बारेमा प्रस्तुतीकरणका साथै नेपाली सेनाको ब्यवस्थापनमा निमार्णधिन काठमाण्डौ—तराई/मधेस द्रुतमार्ग सडक आयोजना र शिवपुरी नागार्जुन राष्ट्रिय निकुन्जको स्थलगत अवलोकन भ्रमण गराईएको थियो । विभिन्न मिडिया हाउसमा कार्यरत संचारकर्मीहरुलाई नेपाली सेनाको बारेमा जानकारी गराउने उदेश्य अनुसार जंगीअड्डा लगायतका पृतनास्तरमा समेत कार्यक्रम गरिदै आएको छ ।