खोज

बुटवल, १५ कार्तिक– भैरहवामा रहेको युनिर्भसल मेडिकल कलेज तथा शिक्षण अस्पताल ले विगत लामो समयदेखि विभिन्न माग राखी विद्यार्थीले गर्दै आएको आन्दोलनलाई सम्बोधन गरिएको कारण आन्दोलनका कार्यक्रम फिर्ता लिन आग्रह गरेको छ । विज्ञप्ती मार्फ अस्पताल प्रशासनले विद्यार्थीका ७ वटै मागको उचित सम्बोधन गरिएको जनाएको छ । विद्यार्थीको आन्दोलनको लागि मेडिकल कलेजका सबै क्षेत्र प्रभावित भएको भन्दै आन्दोलनका कार्यक्रम फिर्ता लिन समेत विद्यार्थीलाई आग्रह गरिएको छ ।

भैरहवामा अध्ययनरत विद्यार्थीहरूबाट विभिन्न माग राखी शुरु गरेको आन्दोलनबाट कलेजको शैक्षिक कार्यक्रमहरू पुर्णरूपमा अवरुद्ध रहेको भएको भन्दै २०८० असोज २२ गते सोमवारका दिन विहान करिब ९ः३० बजेबाट यस यु.सि.यम.यस.का प्राचार्य प्रा.डा.लक्ष्मी पाठकलाई आफ्नै कक्षमा ७ दिनसम्म मानविय सम्वेदनालाई समेत नजरअन्दाज गरि बन्धकको रूपमा राखिएकोमा स्थानिय प्रशासनको पहल र सहयोगमा वहाँलाई बाहिर निकाल्न सफल भएको अस्पतालले जनाएको छ ।

एकातिर पछिल्लो समय विद्यार्थीद्वारा प्रमुख कार्यकारी प्रमुख कक्ष, प्राचार्य कक्ष, सह–प्राचार्य कक्ष, मेडिकल सुपरिटेन्डेन्ट कक्ष, इन्टर्नसिप संयोजक कक्ष, लेखा शाखा तथा मानव संशाधन शाखामा तालाबन्दी गरिएकोले अस्पतालको प्रशासनिक क्रियाकलाप पुर्णरूपमा ठप्प रहेको भन्दै २०८० असोज २८ गते आइतवारका दिनदेखि अध्ययनरत आवासिय चिकित्सक तथा इन्टर्नहरू आफ्नो कार्यक्षेत्रमा नफर्किदा अस्पताल सहजरूपमा पुर्ण सञ्चालनमा असुविधा श्रृजना भएको अस्पताल प्रशासनले जनाएको छ ।

विद्यार्थीहरूद्धारा यहि मिति २०८० असोज २२ गते सोमवार ‘विज्ञप्ति’ मार्फत सार्वजनिक गरिएका मागहरू प्रति सम्बोधनका काम गरिएको प्रमुख कार्यकारी अधिकृत मोहन कुमार पिएसले प्रिन्सिपलले राजीनामा दिनुपर्ने माग मा विश्वविद्यालय, चिकित्सा शिक्षा आयोग, काउन्सिलको ऐन नियम भित्र रही कलेजले प्राचार्य नियुक्ती गर्ने भएकोले व्यक्ति परिवर्तन नहुने, तर विद्यार्थीबाट उठान गरिएका विषयहरूलाई गंभिरताको रूपमा लिई भविष्यमा कुनै असर पर्न नदिने कलेज प्रशासन सचेत रहने । प्रतिवद्धता जनाएको उल्लेख गरेका छन् ।

यस्तै नयाँ ड्रेस कोड लागु नगरी पहिलेको जस्तै यथावत राख्नुपर्ने माग मा स्थानिय प्रशासनको अगुवाईमा मिति २०८० असोज २७ गते शनिवार वसेको सर्वदलिय तथा सर्वपक्षिय वैठकमा डे«स कोडको निर्णय हाललाई स्थगन गर्ने लिखित सम्झौता भइसकेको उल्लेख गरेका छन् ।विज्ञप्तीमा ईन्टरसिप सिटपेन्ड अभिवृद्धि पश्चात ईन्टरसीप ओरटेसन जोईनीङ्ग गर्ने भन्ने विद्यार्थीको माग मा सिटपेन्डको सम्बन्धमा समिति गठन गरि विभिन्न मेडिकल कलेजहरूको अवस्था अध्ययन गरि पेश गरिएको रिपोर्टका आधारमा गर्ने निर्माण गरिएको बताए । विद्यार्थीको माग फाईनल एअर र रेगुलर क्लास चलाउने भन्ने विषयमा दशैं अघि नै कक्षा सञ्चालनको लागि सुचना जारी भैसकेको र आन्दोलन अवधिको छुटेको हाजिर काउन्सिल तथा विश्वविद्यालयको प्रावधान अनुसार समायोजन गर्ने निर्णय गरिएको जनाइएको छ ।

अस्पताल प्रसानबाट जारी विज्ञप्तीमा विद्यार्थीको माग रेगुलर सप्लाई परिक्षामा मा प्रतिवन्ध लगाउँदा आईओएमको को व्यवस्था अनुरूप हुनुपर्ने माग मा नियमित र आंशिक परिक्षा सञ्चालन आईओएमको व्यवस्था अनुसार नै गर्ने प्रतिबद्ध रहेको उल्लेख छ । यस्तै विद्यार्थीको काम सप्लीमेन्ट्री परिक्षा भन्दा अगाडी पनि विदा पाइने गरि लेक्चरर र पोस्टीङ्ग को तालिका परिमार्जन गर्नुपर्ने माग मा परिक्षामान आईओएमको व्यवस्था अनुसार गरिने प्रतिवद्धता जनाइएको छ । यस्तै विद्यार्थीको माग अनावश्यक विस्तारमा लगाउन नपाइने, लगाउन परेको खण्डमा लिखित आधार दिइनुपर्ने माग मा सिकाई अवधिलाई वैज्ञानिक तथा उपलब्धिमुलक बनाउने कुरालाई मुख्य प्राथमिकतामा राख्दै अनावश्यक एक्टेन्सन नलगाउने र ईन्टरसीप सम्बन्धी सम्बन्धी सम्पुर्ण कामकारवाही एनएमसीको को प्रावधान बमोजिम गरिने उल्लेख छ ।कलेज प्रशासन आन्दोलनमा सहभागी सम्पुर्ण विद्यार्थीहरूलाई यथाशिघ्र आन्दोलनका कार्यक्रमहरूलाई फिर्ता लिई आफ्ना शैक्षिक दिनचर्यामा फर्कन हार्दिक अनुरोध समेत विज्ञप्तीमा गरिएको छ ।