खोज

बुटवल, २२ असोज । भारतीय रियालिटी शो ईन्डियन आईडलको १३ औं संस्करणमा उत्कृष्ट प्रस्तुती दिएका कलाकार रिटो रिवा असोज २६ गते शुक्रबार एक सांगितिक कार्यक्रमका लागि बुटवल आउदै छन । प्लान–बि क्लवको आयोजनामा हुने लाईभ कन्सर्टमा प्रस्तुती दिन ईन्डियन आईडलका गायक रीटो रीवा ८ जना सहयोगी कलाकारसहित बुटवल आउने भएका हुन । करिब १ हजार दर्शक क्षमता भएको प्लान–बि क्लवमा शुक्रबार साँझ ८ बजेदेखि राती १ बजेसम्म सांगितिक कार्यक्रममा रिटो रिवाले आफनो चर्चित गीतहरु पस्कने छन ।

भारतीय सिमा हुदै नेपाल भित्रने पर्यटकलाई लक्षित गरि पर्यटन प्रबद्र्धन र आर्थिक बिकासमा टेवा पुराउने उद्देश्यले कार्यक्रम गर्न लागेको आयोजक प्लान–बि क्लवका संचालक कमल रानाले बताए । आर्थिक मन्दी देखिएको बेला बुटवलमा पर्यटन प्रवद्र्धनमा रात्रीकालिन क्लबहरुबाट गरिएको कार्यक्रम महत्वपूर्ण हुने भन्दै यसमा सरकारबाट आवश्यक सहयोग र सहकार्य जरुरी रहेको रानाले बताए । ‘बुटवल बजारलाई पर्यटन प्रबद्र्धनमार्फत गुलजार बनाउने अभियान चलाएका छौ ।’ उनले भने । कार्यक्रममा प्रवेशका लागि रु १ हजार र १ हजार ५ सयको टिकटको ब्यबस्था गरिएको क्लवका अध्यक्ष सुरेश कुमार श्रेष्ठले बताए । ‘प्रसिद्ध कलाकार आउने भएकाले सबै प्रकारका सुरक्षा ब्यबस्थाको उचित प्रबन्ध मिलाएका छौं ।’—अध्यक्ष श्रेष्ठले भने । यसबाहेक आफनै आन्तरिक प्रयोजनका लागि सुरक्षा दस्ता (बाउन्सर टिम) छ भने स्थानिय पालिका, प्रहरी, प्रशासनसँग पनि सहयोगका लागि समन्वय भैरहेको उनले बताए । रात्रीकालिन ब्यबसाय भएकोले उच्च सुरक्षा सतर्कता अप्नाईएको उनले बताए ।

सात जना स्थानिय युवाहरुको सक्रियतामा करिब १२ करोड रुपैयाँको लगानीमा संचालनमा आएको आधुनिक र सुबिधायुक्त प्लान–बि क्लवले हाल ६१ जना युवालाई प्रत्यक्ष रोजगारी दिन सफल भएको क्लवका शेयर सदस्य जिवन काफ्लेले बताए । काफ्लेका अनुसार तिन महिनाअघि गत असार २३ गतेदेखि संचालनमा आएको सो क्लवमा दैनिक ३ हजारसम्म ग्राहकलाई सेवा प्रदान गर्ने लक्ष्य रहेको छ । दिनभर ब्यापार ब्यबसायमा ब्यस्त हुने र बाहिरबाट भ्रमणका लागि आउने आन्तरिक र बाह्य पर्यटकलाई अन्तराष्ट्रिय स्तरको मनोरन्जन दिने मुल लक्ष रहेको काफ्लेले बताए । उक्त क्लवमा अध्यक्ष श्रेष्ठ, संचालक राना र काफ्लेसहित मुकेश राना, रन्जन शाक्य, तेजबहादुर थापा र शिव थापाको संयुक्त लगानी रहेको छ ।