© २०२३
१० मंसिर २०८१, सोमबार
१० मंसिर २०८१, सोमबार
सल्यान, १७ असोज । सल्ली चौरजहारी सडकखण्ड स्थित सल्यानको बनगाड कुपिण्डे नगरपालिकामा अटो दुर्घटना हुदा चारजना घाइते भएका छन् । नाथेखोला सुनौलिदेखि सल्लिवजार आउँदै गरेको क.प्र.०२००१ ४.१११५ नम्बरको अटो अनियन्त्रित भई सडकको बाँयातर्फ पल्टिन जाँदा चालक सहित ४ जना घाईते भएको जिल्ला प्रहरी कार्यालय सल्यानले जनाएको छ । बुधबार बिहान सवा ११ बजेतिर अटो दुर्घटनामा परेको थियो ।
दुर्घटनामा परी घाइते हुनेहरुमा अटो चालक बनगाड कुपिण्डे न. पा. ३ बस्ने वर्ष ३६ का खल बहादुर बुढा, बनगाड ६ बस्ने ४७ बर्षिय ग्रीम रोका, ५० बर्षिय शिमलाल साहु र ६१ बर्षिय मुने साहु घाइते भएको जिल्ला प्रहरी कार्यालयका सुचना अधिकारी गोपाल श्रेष्ठले जानकारी दिए ।
उनका अनुसार चालक वाहेक घाइते अन्य तीनजनालाइ सल्लिबजारमा सामान्य उपचारपछी थप उपचारका लागि नेपालगन्ज तर्फ पठाइएको छ । अटो र अटो चालकलाइ प्रहरिले नियन्त्रणमा लिएको छ ।
© २०२३
सर्वाधिकार सुरक्षित
Design & Developed By:
