© २०२३
६ मंसिर २०८१, बिहीबार
६ मंसिर २०८१, बिहीबार
बुटवल, १० असोज ।
रुपन्देही जिल्ला गैडहवा गाउँपलिकामा जिल्ला भित्रका १६ पालिकाहरुको घुम्ती बैठक सम्पन्न भएको छ ।
प्रत्येक महिनाको १० गते जिल्ला समन्वय समितिको समन्वयमा बस्ने बैठकले रुपन्देही जिल्लाका पालिका भित्रका समस्या र स्थानीय जनताका आवश्यकता बारेमा छलफल गर्दै आएको गैडहवा गाउँपालिकाका अध्यक्ष सुरेन्द्र पौडेलले बताए ।
कार्यक्रममा जिल्ला समन्वय समितिका अध्यक्ष उमकान्त चपाइले हरेक क्षेत्रसंग समन्वय गरेर विकाससंगै अन्य क्षेत्रमा काम गर्दै आएको बताए । यस्तै रुपन्देहीका जिल्ला प्रमुख जिल्ला अधिकारी गणेश अर्याल जिल्लाका सबै पालिकासंग समन्वय गरेर शान्ति सुरक्षा लगायतको बारेमा काम गर्ने बताउँदै आफुले जुनसुकै समयमा सेवा दिने बताए ।
गैडहवा गाउँपालिकाकी उपाध्यक्ष माधुरी जैसवालले घुम्ती बैठकले पालिकाभित्रका समस्याहरुको पहिचान गरी समाधानका लागि सहयोग पुर्याउने बताइन् ।
गैडहवा गाउँपालिकाको कार्यलयमा भएको कार्यक्रममा रुपन्देही जिल्लाका १६ वटा पालिका प्रमुख, उपप्रमुख, प्रमुख प्रशासकीय अधिकृत, सुरक्षा निकाय, पत्रकार लगायतको सहभागिता रहेको थियो ।
© २०२३
सर्वाधिकार सुरक्षित
Design & Developed By:
