© २०२३
४ आश्विन २०८१, शुक्रबार
४ आश्विन २०८१, शुक्रबार
नेपालगञ्ज, ५ असोज ।
बाँकेको डुडुवा गाउँपालिका ६ स्थित जयेन्दु बाल सुधार गृहमा दुई समूहबीच झडप हुँदा एक जनाको मृत्यु भएको छ । बालसुधार गृहमा तोडफोड र आगजनीसमेत भएको छ । गएराति भएको झडपमा एक जनाको मृत्यु भएको बाँकेका प्रमुख जिल्ला अधिकारी विपीन आचार्यले जानकारी दिए ।
मृत्यु हुनेमा रुपन्देहीका २१ वर्षीय सुलभ केसी रहेका छन् । झडपमा गम्भीर घाइते भएका केसीको नेपालगन्ज मेडिकल कलेजमा उपचारका क्रममा मृत्यु भएको हो । उनको टाउकोमा गम्भीर चोट लागेको थियो ।
झडपमा घाइते भएका अन्य १० जनाको उपचार भइरहेको उनको भनाइ छ । घाइते को नर्सिङ होम नेपालगन्ज मा उपचार भाइरहेको छ । घाइतेमध्ये चार जनाको अवस्था गम्भीर रहेको छ ।घाइते हुनेहरुमा दाङका १८ वर्षीैउ राजिव केसी, बाँकेका १८ वर्षीय गोबिन्द बि क, जुम्लाका १७ वर्षीय काली प्रसाद ऐदि, जाजरकोटका २० वर्षीय रबिन बस्नेत, कैलालीका १९ वर्षीय उत्तम सिंह, भारत बिहारका १८ वर्षीय चाद खान, रुकुमपश्चिमका १७ वर्षीय चन्द्र बहादुर खड्का, कालीकोटका १६ वर्षीय सुरेश गिरी, गोर्खाका १९ वर्षीय सुरेश परियर र जुम्लाका १९ वर्षीय देबराज ओली रहेको प्रहरीले जनाएको छ ।
© २०२३
सर्वाधिकार सुरक्षित
Design & Developed By:
