खोज

बुटवल, १ असोज । बि बोईङमा आर्कषित युवाहरु बिच प्रतिस्प्रर्धात्मक प्रतियोगिता गराएर प्रतिभा प्रस्फुटन गर्ने उद्येश्यका साथ मदन भण्डारी स्र्पोट्स एकेडेमी बुटवल उपमहानगरपालिकाले प्रतियोगिता गरेको छ । एकेडेमीको आयोजनामा शनिबार स्टिल द किङ भोल्युम ४ बि बोईङ ब्याटल प्रतियोगिता विभिन्न ४ ईभेन्टमा सम्पन्न भएको हो । प्रतियोगिता अन्तरगत वन भर्सेज वन ब्रेकिङमा बि बोय गाना विजयी भएका छन । यसैगरि पासाङ उपविजेतामा चित्त बुझाए । यसैगरि वन भर्सेज वन ओपन स्टाईलमा एक्जिट पप विजयी भए । मनोज उपविजेतामा चित्त बुझाए ।

सेभेन टु स्मोक पावरमुभसमा भने बि बोय ईड वन विजेता रहे । यसैगरि टु भर्सेज टु ब्रेक द रुल्समा भने इड वन एण्ड पपिङ साहिल विजेता भए भने उषा एण्ड बि बोय अन्कित उपविजेता रहे । ओडान लज एण्ड बारमा भएको प्रतियोगितामा बि बोय लिलजेन, सुगर र बि बोय चि निर्णायक रहेका थिए ।

बि बोईङप्रति आर्कषित युवाहरुलाई गोलबन्ध गरि बुटवलमा एकेडेमी बनाउने र प्लटफर्म दिने गरि प्रतियोगिता आयोजना गरेको एकेडेमीका गौरब क्षेत्रीले बताए । नेपालमा अझै पनि बिबोईङमा आवद्ध युवाहरुप्रति सकारात्मक सोच विकास हुन नसकेको उनले दुखेसो गरे । रुपन्देहीका बिबोईगका धेरै क्षमतावान युवाहरु अवसरबाट बन्चित भएको भन्दै राष्ट्रिय, अन्तराष्ट्रिय मन्चसम्म पुग्ने गरि वातावरण सृजना गर्ने गरि एकेडेमीको अवधारणामा काम अघि बढाउन थालेको उनले बताए ।