खोज

गैंडहवा, २६ भदौ ।

रुपन्देहीको गैंडहवा गाउपालिकामा पालिकास्तरीय सर्वदलीय बैठक सम्पन्न भाएको छ । बैठकमा सहभागीले शुद्धोधन गाउँपालिकामा ईलाका प्रशासन कार्यालय आउने भएपछि सैनामैना, कञ्चन, गैंडहवा, लुम्बिनीका जनतालाई सेवा लिन पायक नपर्ने भन्दै गैंडहवामै कार्यालय स्थापनाको माग गरे छन् । रुपन्देही जिल्लाको क्षेत्र नं. ५ भित्र गैडहवा गाउँपालिका पायक पर्ने भन्दै सहभागीले पायक पर्ने ठाउँमा ईलाका प्रशासन कार्यालय स्थापनको माग गर्ने निर्णय सर्वदलीय बैठकले गरेको छ ।

सर्वदलीय बैठकपछि जिल्ला प्रशासन कार्यलयमा पुगेर प्रमुख जिल्ला अधिकारीलाई माग पत्र बुझाएको गैंडहवा गाउँपालिकाका अध्यक्ष सुरेन्द्र पौडेलले जानकारी दिए । आफ्नो ठाउँबाट आफुले अन्य पालिकासंग समन्वय गरेर जनताको चाहाना अनुसार ईलाका प्रशासन ल्याउन पहल गर्ने पौडेलले बताए ।

रुपन्देही क्षेत्र नं. ५ का संघीय सांसद वासुदेव घिमिरे, लुम्बिनी प्रदेश सामाजिक विकास मन्त्री चन्द्र केश गुप्ताले रुपन्देही क्षेत्र नं. ५ मा जनताको आवश्यकता अनुसार ईलाका प्रशासन कार्यलय आवश्यक रहेको बताउदै लुम्बिनी साँस्कृतिक नगरपालिका, गैडहवा गाउँपालिका, कञ्चन गाउँपालिका र सैनामैना नगरपालिकाको सहमति अनुसार गैडहवाको कुनै पनि ठाउँमा इलाका प्रशासन कार्यालय स्थापना गर्ने गरी पहल गर्ने बताएका थिए ।

बैठकमा विभिन्न पालिकाका राजनीतिक दलका प्रमुख तथा प्रतिनिधिहरुले शुद्धोधन गाउँपालिकामा ईलाका प्रशासन कार्यालयको सेवा लिन असहज हुने, पायक नपर्ने भन्दै भैरहवा नै जान तयार भएको बताएका छन् । यस विषयलाई लिएर लुम्बिनी सांस्कृतिक नगरपालिका, कञ्चन गाँउपालिका गैडहवा गाउँपालिका, सैनामैना नगरपालिका, मायादेवी गाउँपालिकाको दुईवटा वडालाई समेत समेटर ईलाका प्रशासन माग गर्ने निर्णय सर्वदलीय बैठकले गरेको गैडहवा गाउँपालिका प्रमुख प्रशासकीय अधिकृत कृष्ण प्रसाद पन्थीले बताए ।