खोज

बुटवल, २६ भदौ । ब्राह्मण समाज रुपन्देहीको तेस्रो जिल्ला अधिवेशनले टोपलाल भुसालको अध्यक्षता नयां कार्यसमिति सर्वसम्मत चयन गरेको छ । यस्तै उपाध्यक्षहरुमा गोबिन्दराज पाण्डे,आत्मराम पाण्डे र लक्षु न्यौपाने, सचिवमा दिवाकर अधिकारी,सहसचिवमा कमला पन्थ र कोषाध्यक्षमा गोबिन्दप्रसाद बसयाल रहेका छन् । यस्तै कार्यसमिति सदस्यहरुमा बाटुलीकुमारी रेग्मी,बोधराज गौडेल,पार्वती पन्थी,कुमार भट्टराईृ,भिमप्रसाद पाण्डेय,चेतनारायण कंडेल,रेशम पाण्डे,हरिप्रसाद तिवारी,बालकृष्ण भट्टराई,अनिता गौतम,कुमार भट्टराई चयन भएका छन् । यस्तै जगन्नाथ न्यौपाने,कमलकान्त पौडेल,कृष्णप्रसाद भण्डारी,बाबुराम पौडेल,प्रकाशचन्द्र न्यौपाने,चोलाकान्त भट्टराई,चन्द्रमान तिवारी,रमेशकुमार शर्मा,चेतनारायण गौतम,हरिराज विष्ट र अनिता गौतम चयन भएका छन् ।

नवनिर्वाचित अध्यक्ष भुसालले ब्राहमण समाजलाई जिल्लाका सबै वडा र टोलसम्म पुर्‍याउने अभियान सञ्चालन गर्ने र ब्राह्मण समुदायका छोराछोरीमाथि उच्च शिक्षा अध्ययनको छात्रवृत्तिमा भइरहेको जातीय विभेदका विरुद्ध सशक्त अभियान चलाउने बताए ।

अधिवेशन उद्घाटन कार्यक्रममा बाेल्दै ब्राह्मण अगुवाहरुले आफ्नो धर्म,संस्कार र संस्कृतिको संरक्षणका लागि ब्राह्मण समुदायबीच एकता हुनुपर्नेमा जाेड दिए । ब्राह्मण समुदायले मुलुक सञ्चालन गर्ने नेतृत्व गरेको अवस्थामा ब्राह्मण समुदायमाथि थिचोमिचो भैरहेको भन्दै उनिहरूले आफ्नो धर्म,संस्कार र संस्कृतीकाे संरक्षणका लागि ब्राह्मणहरू एकजुट हुनुको बिकल्प नभएको बताए । ब्राह्मणहरू एकता नभएकै कारण ब्राह्मण समुदायका छाेराछाेरीहरूले छात्रवृत्तिमा उच्च शिक्षा हाशिल गर्नबाट बन्चित हुनुपरेको गुनासो गरे । ९५ प्रतिशत नम्बर ल्याउने ब्राह्मण समुदायका छाेराछाेरीले छात्रवृत्ति नपाउने र अन्य समुदायका ५० प्रतिशत ल्याउनेले छात्रवृत्ति पाउने कुरा न्यायीक नभएको बताए ।  आरक्षण जातको आधारमा नभएर बर्गकाे आधारमा हुनुपर्नेमा जाेड दिए । ९४ प्रतिशत ओमकार समुदाय बस्ने मुलुकलाई सिमित ब्यक्तिकाे निहित स्वार्थ पुर्तिका लागि लहडकाे भरमा धर्म निरपेक्ष राष्ट्र घाेषणा गर्नु गलत भएको बताएका थिए ।