© २०२३
८ मंसिर २०८१, शनिबार
८ मंसिर २०८१, शनिबार
बर्दघाट, २५ भदौ । मगर भाषाका आदिकवि स्व. रेख बहादुर सारु मगरको जन्मजयन्ती विविध कार्यक्रम गरि मनाईने भएको छ । मगर भाषाका आदिकवि स्व.रेख बहादुर सारुको ७९ औँ जन्मजयन्तीको अवसरमा साहित्य प्रतिष्ठानले भदौ २७ र २८ गते दुई दिन विविध कार्यक्रम सहित मनाउने भएको हो ।
सोमबार बर्दघाटमा आयोजित पत्रकार सम्मेलनमा रेख बहादुरको जन्मजयन्ती आदिकवी रेख बहादुर सारु मगरको कर्मथलो बर्दघाट नगरपालिका वडा नम्बर १ माकरमा २७ गते कविता प्रतियोगिता, मुक्तक प्रतियोगितासँगै साहित्यिक कार्यक्रमको आयोजना गरिने प्रतिष्ठानकी अध्यक्ष तारा राना थापाले बताइन । यसैगरि स्थानिय एवं राष्ट्रिय कलाकारहरुले साँगितिक कार्यक्रम प्रस्तुत गरिने उनले बताईन ।
कार्यक्रममा विभिन्न भाषा सँस्कृति झल्कने झाँकी, खानाका परिकारहरु सहितको फूड फेष्टिवल समेत आयोजना गरिएको उनले बताइन । कवि रेख बहादुरका कविता वाचन लगायत विभिन्न श्रष्टा सम्मानको कार्यक्रम २८ गते आयोजना गरिएको प्रतिष्ठानका सँरक्षक शिव थापा मगरले बताए ।
© २०२३
सर्वाधिकार सुरक्षित
Design & Developed By:
