© २०२३
६ मंसिर २०८१, बिहीबार
६ मंसिर २०८१, बिहीबार
बुटवल,१८ भदौ । काठमाडौं महानगरपालिकाका मेयर बालेन्द्र साहले दुई दिनअघि फेसबुकमा लेखेको विवादास्पद स्टाटस हटाएका छन् ।
नेपाल र भारतको क्रिकेट म्याच हेर्न श्रीलङ्का पुगेका बालेनले उतैबाट स्टाटस डिलिट गरेका हुन् ।
आफ्नी श्रीमती चढेको महानगरपालिकाको गाडीलाई ट्राफिक प्रहरीले रोकेर केरकार गरेको झोकमा बालेनले फेसबुकमा सिंहदरबारमै आगो लगाइदिने अभिव्यक्ति दिएका थिए ।
उनले अब आइन्दा महानगरको कुनै पनि गाडी सरकारले रोकेको खण्डमा सिंहदरबारमै आगो लगाइदिने भन्दै याद गर चोर सरकार भनेका थिए । सरकारलाई चोरको संज्ञा समेत दिएको स्टाटसले हंगामा मच्चिएको थियो ।
हिजो उनको सचिवालयले विज्ञप्ति जारी गर्दै महानगरको गाडी रोकिएको घटनाबारे प्रष्टीकरण दिएको थियो । तर, बालेनको स्टाटसबारे त्यसमा केही उल्लेख थिएन ।
© २०२३
सर्वाधिकार सुरक्षित
Design & Developed By:
