खोज

बुटवल, १८ भदौ । आम नागरिकको पहुचमा शिक्षा, स्वस्थ्य पुग्ने गरि सरकार अघि बढ्नुपर्ने एक कार्यक्रममा बोल्ने बक्ताहरुले जोड दिएका छन । नेपाल हदय रोग निवारण प्रतिष्ठान रुपन्देही शाखाको सातौ वार्षिक साधारण सभा तथा चौथो अधिवेसनको बुटवल उपमहानगरपालिकाका नगरप्रमुख खेलराज पाण्डेयले उद्घाटन गर्दै शिक्षा र स्वस्थ्य अहिले नगरको प्राथमिकताको विषय भएको बताए । दैनिकजसो कार्यालयमा दिर्घरोगीहरुको उपचारको लागि आफुले सिफारिस गर्दा निक्कै दुखद तथ्याक आएको भन्दै शिक्षा र स्वस्थ्यमा सामान्य मानिसको पहुच कमजोर रहेको उनले बताए । ‘यसैको लागि काम अघि बढाएको छु ।’—उनले भने । जटिल प्रकारको स्वस्थ्य उपचारमा फड्को मार्ने गरि सबै संघसंस्थाहरु सहकार्य गरि लाग्न जरुरी रहेको बताए । मुटुरोगको उपचार गर्ने अस्पताल चलाउनु सामान्य नभएको भन्दै उनले यसमा प्रदेश र संघ सरकारबाट समन्वय जरुरी रहेको बताए ।

कार्यक्रममा नेपाल ह्रदय रोग निवारण प्रतिष्ठानका केन्द्रिय सदस्य तथा प्रदेश अध्यक्ष अखिलेस पाण्डेले सर्ने रोगभन्दा नसर्ने रोगहरु ब्यापकता बढेको दाबी गरे । मानिसको खानपान, जिवनशैली बदल्ने गरि सचेतना जगाउन सके ८० प्रतिशतको मुटुको रोग नलाग्ने विज्ञहरु बताउछन । कुनैबेला नेपालमा ५ प्रतिशतमात्र ब्यायाम नगर्ने थिए भने अहिले शहरी क्षेत्रको विकाससंगै ब्यायाम नगर्ने ५० प्रतिशतभन्दा बढी रहेको तथ्याकले बताछन । आहारबिहार अनुसार नै शरिरमा रोगको आक्रमण बढ्ने उनले दाबी गरे । विद्यालयको पाठ्यक्रममा विषयबस्तु समावेश गर्न सके अझ प्रभावकारी हुने उनले बताए। संस्थागत रुपमा सचेतनासंगै उपचार पद्धतिबारे सरकारलाई सल्लाह सुझाव दिने जस्ता काम आफुहरु गर्दै आएको बताए ।

कार्यक्रममा प्रतिष्ठानका अध्यक्ष निर्मल प्रसाद लाकौलले स्वस्थ्य सेवामा योगदान दिने गरि संस्थागत रुपमा अघि बढेको बताए । टोलटोल र विद्यालयस्तरमा सचेतना जगाउने नै मुख्य लक्ष्य राखेर काम गर्दै आएको उनले बताए । मुटुको परिक्षणका लागि उपकरण प्राप्त भएको र निशुल्क परिक्षणका क्लिनिकहरु संचालन गर्न लक्ष्य रहेको उनले बताए । निकट भविष्यमा रफ्तारका साथ सेवा अघि बढाउन जरुरी रहेको उनले बताए ।

कार्यक्रममा प्रतिष्ठानका महासचिव नरेस कुमार श्रेष्ठले २८ वर्षअघि स्थापना भएको संस्था आफ्नो लक्ष्य अनुसार थियो । रुपन्देही शाखा स्थापनाकालदेखि नै मुटुरोग क्लिनिक संचालन पहिलो थियो । हाल गौतमबुद्घ मुटु सामुदायिक अस्पतालको स्थापनासम्म पुगेको उनले दाबी गरे। मुटुरोग विशेषज्ञ डा समीर गौतमसहितका विज्ञहरुको सहयोगमा नवीन औधोगिक माबि, मायादेवि प्राविधिक शिक्षालय, लुम्बिनी सास्कृतिक नगरपालिका लगायत जिल्लाका विभिन्न क्षेत्रमा निशुल्क स्वस्थ्य शिविर तथा सचेतना कार्यक्रमहरु गरेको उनले बताए । देशकै १० शाखामध्ये उत्कृष्ट भई ईसिजी मेशिन केन्द्रबाट उपलब्ध भएको उनले बताए ।

कार्यक्रममा प्रतिष्ठानका कोषाध्यक्ष उज्वल कसजूले बुटवल नगरको विकासका अगुवा स्वर्गीय सुर्यप्रसाद प्रधानको अगुवाईमा ६ वटा विभिन्न संस्थाहरु गठन भएर शिक्षा, स्वस्थ्यको क्षेत्रमा योगदान दिने गरि काम भएको बताए ।
कार्यक्रममा रोटरी डिष्ट्रिक ३२५ पि का डिष्ट्रिक गर्भनर अर्जुनमान सैजु, प्रतिष्ठानका सल्लाहकार अर्जुन रानाभाट, जीवनप्रसाद वझा, रुपन्देही उद्योग संघका पुर्वअध्यक्ष तेज कुमार पाठक, लायन्स आँखा अस्पतालका अध्यक्ष रामेश्वर प्रसाद श्रेष्ठले बुटवललाई शैक्षिक र स्वस्थ्यको हब बनाउने गरि लाग्नुपर्ने बताए ।

कार्यक्रममा वरिष्ठ उपाध्यक्ष बोनिन पियाले क्लिनिकबाट मुटु अस्पतालसम्म सेवा दिन सफल भएको बताए । राजनितिक दलहरु आश्वासन बाड्ने भन्दा पनि योजनावद्घ रुपमा अघि बढ्न जरुरी रहेको बताए। संस्थागत रुपमा सहकार्य गर्न आफू तयार रहेको बताए ।
हाल प्रतिष्ठान शाखामा २ सय सदस्यहरु छन ।