खोज

चन्द्रौटा(कपिलवस्तु), १६ भदौ ।

कपिलवस्तुको शिवराज नगरापालिकामा युथस लिडरसीप कार्यक्रम गरिएको छ । शिवराज थारु वेयल फियर सोसाइटी नगर नगर कमिटीको आयोजना, वडा नम्बर १, २ र ९ रहेको किर्डाक नेपालको शिवराज आशा सञ्जालको समन्वयमा वडा नम्बर–१, अवस्थित उमरी थारु संग्राहलयमा एकदिने तालिम गरिएको आयोजकले जनाएको छ ।

थारु कल्याणकारीणी सभा कपिलवस्तुका अध्यक्ष पवन कुमार थारुले शिक्षा क्षेत्रलाई प्राथिमतामा राखी विकास गर्नुपर्ने बताए । पछिल्लो युवा पुस्ताहरु कुलतमा फस्दै गएको बताउँदै अभिभावहरुलेसमेत सकारात्मक पाटोमा लैजना भूमिका खेल्न उनले आग्रह गरे । युवा पुस्ताको मनोभावना अभिभावकले बुझन नसक्दा अनैतिक गतिविधि प्रत्साहन पाएको थारुले जनाए । प्रशिक्षार्थीहरुलाई तालिममा सिकेका कुराहरु व्यवहारमा उर्तान आवश्यक रहेको उनको भनाई छ ।

यसैबीच शिवराज नगरपालिका वडा नम्बर २ का वडा अध्यक्ष राम बहादुर चौधरी थारुले समुदायको युवाको मुख्य भूमिका रहेको बताए । शैक्षिक अध्ययन मात्रै नभएर बाहिरी ज्ञान जरुरी रहेको जनाउँदै युवा पुस्ताले समाजको पहिचान गर्नुपर्नेमा अध्यक्ष चौधरीले जोडदिए । किर्डाक नेपालका सामाजिक विकास अधिकृत विनोद केवट, थारु कल्याणकारीणी सभा शिवराज नगर समितिका अध्यक्ष प्रकाश थारु, सागर थारु लगायतले नेतृत्व विकास तथा क्षमता विकास अभिवृद्धि, नेतृत्व विकासका लागि लक्ष्य अभिमुखीकरण र संस्थागत विकासको बिषयमा प्रशिक्षण दिएका थिए ।