© २०२३
६ मंसिर २०८१, बिहीबार
६ मंसिर २०८१, बिहीबार
नवलपुर, १६ भदौ ।
पुर्वी नवलपरासीको नवलपुर गैँडाकोट नगरपालिकामा घरेलु मदिरा उत्पादन र बिक्री गर्न पाउनुपर्ने माग सहित नेपाल मगर संघ नगर समितिले ज्ञापनपत्र बुझाएको छ । इलाका प्रहरी कार्यालय गैँडाकोटले केहीदिन अघि नगरको ढोडेनी क्षेत्रबाट बरामद गरेको ५ सय २० लिटर घरेलु मदिरा स्थानीय जनप्रतिनिधिको रोहबरमा नष्ट गरेपछि मगर संघले आपत्ति जनाएको हो । नेपाल मगर संघ नगर समिति गैँडाकोटका अध्यक्ष दुर्गा बहादुर मसराङ्गी मगरको नेतृत्वमा शुक्रबार नगरपालिका प्रमुख मदनभक्त अधिकारीलाई ज्ञापन पत्र बुझाएको हो ।
स्थानीय स्तरमा उत्पादन भएको मदिरालाई बैधानिक बनाउनुपर्ने उनीहरुको माग छ । स्थानीय मदिरालाई बैधानिक र व्राण्डिङ बनाउने विषय सरकारले उठाए पनि यसलाई कार्यान्वयन अझै ल्याउन नसकेको भन्दै नेपाल मगर संघ गैडाकोटको गुनासो छ । विज्ञेप्तीमा गैँडाकोट नगरका वडा नं. ३, १४ र १८ का विभिन्न क्षेत्रमा बसोबास गर्ने नगरवासीहरु आर्थिक रुपमा कमजोर रहेको भन्दै स्थानीय सरकारले कानून बनाएर जनताको बाँच्न पाउने अधिकारको संरक्षण गर्न माग गरिएको छ ।
© २०२३
सर्वाधिकार सुरक्षित
Design & Developed By:
