खोज

बुटवल, १५ भदौ । देवदह नगरपालिका, कार्यपालिकाको कार्यालयले स्थानिय बासिन्दाहरुको समस्या पहिचान गरि सम्बोधन हुने गरि अभियानलाई अघि बढाएको छ । मानव स्वस्थ्यसंग सरोकार राख्ने नगर सरसफाई र कार्यालयको सेवा प्रभावलाई सहज र प्रभावकारी बनाउने गरि अभियानहरुलाई जोड दिईएको देवदहका प्रमुख प्रशासकिय अधिकृत कृष्ण प्रसाद सापकोटाले बताए ।

बर्दघाट नगरपालिकाबाट सरुवा भएर हाजिर हुने वित्तिकै सरसफाई र राजश्व वृद्धि गर्न मिसन स्रोत परिचालन गरि दुई मुख्य अभियानको घोषणा गरिएको उनले बताए । आफूलाई अभियन्ता भन्न रुचाउने सापकोटा हरेक पालिकामा नया ढंगबाट काम गर्न रुचाउछन । सबै जनप्रतिनिधि र कर्मचारी मिलेर अभियानमुखी कार्य थाल्नुपर्ने उनको सुझाव छ । ‘यसले स्थानियबासी र संघसस्था समेतलाई आकर्षित हुनेछन् ।’—उनले भने । विकासको मुल प्रवाहमा सबै जनता मिलेर काम नगरेसम्म सरकारले मात्र विकास गरेर सम्भवन नहुने उनको अनुभव छ ।
अहिले कार्यालय परिसर सफा चिटिक्क बनेको छ भने कार्यालयसम्म आउने सबै बाटा घाटामा रहेका झाडी सफाई गरिनुका साथै बाटोमा रहेका स–सानो खाल्टाखुल्टी पुरिने कार्य पनि भई रहेका छन् । यसमा स्थानिय संघसस्थाको सहभागी हुदै गएका छन् । उनले गाउपालिकाका सबै जनप्रतिनिधि र कर्मचारी विच अन्तक्र्रिया चलाइसकेका छन् ।

स्थानीय तहको आम्दानी बढाउने उपाय, शाखागत र वडागत आधारमा राजस्वको लक्ष्य निर्धारण गर्ने, राजस्व प्रणालीलाई सवल र सक्षम बनाउने रणनीति, आन्तरिक राजस्व लक्ष्य भेटाउनको लागि मासिक कार्ययोजना निर्माण गरी नियमनकारी भूमिकालाई प्रभावकारी बनाउने उपाय, निस्सा नम्बरका आधारमा कच्चि जग्गामा निर्माण भएका घर र जग्गालाई समेत करको दायरामा ल्याउने । कच्चि जग्गामा निर्माण भएका घरहरूको समेत अभिलेखिकरण गर्ने लगायतका विषयमा अन्तक्रिया र छलफल सम्पन्न भएको छ । एक बर्ष भित्रको अवधिमा उनले वर्दघाट नगरपालिकामा विभिन्न १० अभियान संचालन गरेका थिए।