खोज

बुटवल, १० भदौ। रुपन्देहीमा रहेर पर्यटन उद्योगमा दक्ष जनशक्ति उत्पादन गर्दै आएको स्टेप अप हस्पिटालिटी आठौ वर्षमा प्रवेश गरेको छ । दिवसको अवसर पारेर आईतबार संस्थाले बारटेण्डर विद्यार्थीहरु बिचमा प्रतियोगिता, बनभोज तथा सम्मान कार्यक्रम गरि मनाईएको हो ।

अण्डरग्राउण्ड फ्लेयर च्याम्पियनसिप अन्तरगत मिक्सोलोजीमा कमल श्रेष्ठ विजेता बने । यसैगरि सुशी थापा उपविजेता बनिन । बारिष्ठामा उमंग पुन विजेता तथा सागर एमसी उपविजेता बने । फलेयरको विजेता चाहन थापा र उपविजेता कृष गौचन भए । भने राईजिङ स्टार समिर थापा बने ।

विद्यार्थीहरुको सिकाई परिक्षणका रुपमा वार्षिकोत्सवको अवसर पारेर जुनियर र सिनियर गरि दुई समुहमा अण्डरग्राउण्ड फ्लेयर च्याम्पियनसिप कार्यक्रम गरिएको संस्थाका संचालक/प्रशिक्षक बिष्णु सारुले बताए । सिटिईभिटी अन्तरगत ३ महिने बारटेन्डर र बरिष्टा विषयमा युवाहरुलाई सैद्धान्तिक र ब्यवहारिक तालिम प्रदान गर्दै आएको संस्थाका संचालक/ प्रशिक्षक सारुले बताए । तालिमसंगै रोजगार सुनिश्चित हुने हुदा पनि युवाहरु यो पेशामा आर्कषण रुपमा रहेको उनले दाबी गरे । ‘अहिलेको माग नै हस्पिटालिटीमा दक्ष जनशक्ति हो ।’— उनले भने ।

लामोसमय विदेशमा सिकेको अनुभवलाई सारुले बुटवलमा रहेर संस्थागत रुपमा दक्ष जनशक्ति उत्पादन गर्दै आएका छन ।
हाल संस्थामा बारटेन्डर र बरिष्टा विषयमा अध्ययन गरिरहेका १ सय १० बढि विद्यार्थीहरु अध्ययरत छन । भने ६ जना प्रशिक्षकहरु छन । विद्यार्थीहरुले सास्कृतिक नृत्यसमेत प्रस्तुत गरेका थिए ।

भिडियो सामग्री