© २०२३
४ पुष २०८२, शुक्रबार
४ पुष २०८२, शुक्रबार
बुटवल,३ भदौ । काठमाडौं महानगरपालिकाले सडक व्यापारीहरुलाई विस्थापन गर्न खोजेको भन्दै व्यवसायीहरु आन्दोलनमा उत्रिएका छन्।
व्यवसायीहरुले शहर सबैका लागि की धनीका लागि मात्रै ? गरी खान देऊ लगायतका नारा लगाएर आन्दोलन गरेका छन्।
सडक व्यापार गर्ने साना व्यवसायीहरुले महानगरपालीकाको कदमबिरुद्ध आईतवार काठमाडौंमा भेला भई प्रदर्शन गरेका हुन्। काठमाडौं महानगरले जबरजस्ती विस्थापन गर्न खोजेको भन्दै साइकल, ठेलागाडा, फुटपाथमा व्यवसाय गर्ने व्यवसायीहरु र केही सर्वसाधारण आन्दोलनमा उत्रिएका छन्।
व्यवसायीको आन्दोलनमा सहभागी कानुन व्यवसायी सुविन मुल्मीले काठमाडौं महानगरले सडक व्यापारीहरुलाई गरिखान नदिएको बताए। उनले गैरकानुनी रूपमा व्यवसायीहरुले सामान महानगरले खोसेको भन्दै कानुनी रूपमा नै उनीहरुको समुचित व्यवस्थापन गर्नुपर्ने बताए।
उनले सडक व्यापारलाई कानुनले रोकेको अवस्था नरहेको बताए। महानगरले गैरकानुनी रुपमा व्यवसायीहरुको सामान खोसेर लिलाम गरी पैसा कमाउने काम गरेको आरोप लगाए।
© २०२३
सर्वाधिकार सुरक्षित
Design & Developed By:
