खोज

बुटवल, ३२ साउन । बुटवलको कालिका मानवज्ञान विद्यालयले कक्षा १२ एसएलसी परीक्षा नतीजामा नेपाल प्रथम भएको दाबी गरेको छ । राष्ट्रिय परिक्षा बोर्डले सार्वजनिक गरेको नतिजा अनुसार विज्ञान समुहका कैलाश दवाडीले ३.८८ जीपीए व्यवस्थापन समुहका अर्जुन अधिकारीले ३.८८ जीपीए, कानुन समुहका वर्षा पाण्डे, अम्रीता घर्ती र रोसीका आचार्यले ३.७१ जीपीए, प्राविधिकतर्फ आशिस पन्थीले ३.८५ जीपीए, मानविकी समुहका कुशल आचार्यले ३.३८ जीपीए, शिक्षा समुहका मनोज नेपालीले ३.५४ जीपीए हासिल गरी उत्कृष्ट नतीजा ल्याउन सफल भएको विद्यालयका प्रधानाध्यापक दिनेश थापाले बताए । ‘यो नतीजा सामुदायिक विद्यालय तर्फ नेपाल प्रथम हो ।’—उनले भने ।

विद्यालयबाट परिक्षामा सहभागी कानुन, बिज्ञान, ब्यबस्थापन, शिक्षा र मानबिकि संकायमा समग्रमा ८८ प्रतिशत विद्यार्थी उत्र्तिण भएको उनले बताए । विज्ञान संकायमा मात्र ९७.७५ प्रतिशत विद्यार्थीहरु उर्तिर्ण भएका छन् । कक्षा १२ मा विद्यालयबाट कुल १ हजार ४ सय ६८ विद्यार्थी परीक्षामा सहभागी भएकामध्ये विभिन्न समुहमा अंक ल्याएका छन ।

जसमध्ये ३ दशमलव ६ देखि ४ जिपिए ल्याउने ८८ जना, ३ दशमलव २ देखि ३ दशमलव ६ जिपिए ल्याउने ५ सय ४९ जना, २ दशमलव ८ देखि ३ दशमलव २ जिपिए ल्याउने ४ सय ७५ जना, २ दशमलव ४ जिपिए देखि २ दशमलव ८ जिपिए ल्याउने १ सय ६४ जना र २ दशमलव ४ जिपिए ल्याउने ९ जना रहेको छ।