खोज

बुटवल, २६ साउन। रोटरी ई—क्लब अफ मेडिको फ्युजन हाइब्रिड नेपालको तेस्रो पदस्थापन सम्पन्न भएको छ । शुक्रबार क्लबको कार्यक्रममा वर्ष २०२२/२०२३ का अध्यक्ष प्रकाश बस्नेतले वर्ष २०२३/२०२४ का अध्यक्ष अप्सरा नेपाललाई पद हस्तान्तरण गरे । कार्यक्रमको एक समारोहका बिच रोटरी ईन्टरनेश्नल ३२९२ का डिष्ट्रिक गर्भनर राजेन्द्रप्रसाद ध्वजुले उद्घाटन गर्दै क्लबको कलर, प्रमाणपत्र, बेल हस्तान्तरण गरे । क्लबको सदस्य जोडिमध्ये एक जना चिकित्सक हुनुपर्ने प्रावधान नै नमुना भएको उनले बताए । महिला शसक्तिकरणको अभियानलाई रोटरीले प्राथमिकतामा राखेको भन्दै आफनो दक्षता र अनुभवलाई ब्यवहारिक रुपमा लागू गर्न सुझाव दिए । रोटरी सधै टाईम, टाभल र ट्रेजरमा जोड दिएको उनले दाबी गरे । नेपालमा मानसिक स्वस्थ्यको विषयमा सचेत नहुदा आत्महत्याका घटना बढ्दो देखिएको भन्दै उनले यो क्षेत्रमा कार्यक्रम चलाउनुपर्ने बताए ।

कार्यक्रममा वर्ष २०२३/२०२४ का अध्यक्ष अप्सरा नेपालले क्लबको लक्ष्य अनुसार लाग्ने प्रतिवद्घता जनाए । समुदायस्तरमा सेवा बिस्तारलाई थप जोड दिने तयारीमा रहेको बताए । सफटवेयरका रुपमा मेघा र विषयगत हेल्थ क्याम्पहरु चलाउदै आएको उनले बताईन । यसैगरि मानसिक स्वस्थ्यको विषय अहिलेको सबैभन्दा महत्वपूर्ण विषय भएको भन्दै १० हजार ब्यक्तिसम्म सचेतना कार्यक्रम लगेर जाने बताईन । वर्षमा १० जना सामुदायिक विद्यालयमा अध्ययन गर्ने गरिब तथा जेहेन्दार विद्यार्थीहरुलाई स्पोन्सर चाईन्डको रुपमा छात्रवृत्ति प्रदान गर्ने बताए ।
कार्यक्रममा नाक, कान, घाँटी रोग विशेषज्ञ वरिष्ठ चिकित्सक डा.केबि श्रेष्ठले चिकित्सकहरुको समाजका रुपमा क्लब विकास भएको बताए । कानको रोग गरिब र सान बालबालिकाहरुमा देखिने भन्दै सहि समयमा यो पहिचान हुन सके रोकथाम गर्न सकिने बताए ।

कार्यक्रममा डिजि नोमिनी बिनोद कोईरालाले रिजन र डिष्ट्रिकको लागि समेत श्रोतका रुपमा क्लबको काम बन्न सक्नुपर्ने बताए । विश्वभरमै मानसिक स्वस्थ्यको गम्भीर र जटिल समस्या आईपरेको भन्दै यसको विषयमा काम गर्न गाईडलाईन समेत भएको बताए । हाम्रो नजिकको ब्यक्तिसंग जो मानसिक समस्या भएकालाई भेट्ने, सम्बन्धि चिकित्सक र अस्पतालसम्म पुर्याउन मद्दत गर्नुपर्ने बताए ।

कार्यक्रममा क्लबका एसाईन एजी सुरज क्षेत्रीले क्लबमा साथीहरुसंग सहकार्य गरि अघि बढ्ने बताए। रोटरी प्रेसिडेन्ट साईटेसन अवार्ड जित्न सफल क्लब कामकै कारण उत्कृष्ट बनेको दाबी गरे । सम्भावना बोकेको क्लब भएको भन्दै ग्लोबल परियोजनालाई पनि अघि बढाउन जरुरी रहेको बताए । डायमण्ड क्लबका रुपमा हेरेको भन्दै धेरै कार्यक्रम गर्ने सोचमा रहेको बताए ।

वर्ष २०२२/२०२३ का अध्यक्ष प्रकाश बस्नेतले आफ्नो कार्यकालमा ५ हजार बढिलाई लाभान्वित हुने गरि स्वस्थ्य शिविर चलाएको बताए ।
कार्यक्रममा रोटरी क्लब अफ सेन्ट्रल बुटवलका संस्थापक अध्यक्ष एजाज आलमले क्लब स्थापनाको बेला नामको विषयमा धेरै प्रश्नहरु उठेको बताए । स्थापनाको छोटोसमयमा नेपालमा नया र नमुना अभियान चलाएर चर्चामा आएको उनले बताए । क्लबका सचिव डा. विनय शाक्यले पेशासंगै सामाजिक भावना जोडेर आफुहरु अघि बढेको बताए । क्लबमा हाल दुई दर्जन बढी जोडी सदस्यहरु छन ।